بڈگام//بڈگام پولیس نے معدنیات کی غیر قانونی کھدائی اور نقل و حمل کے الزام میںایک شخص کو گرفتار کیا اور3ٹپر ضبط کئے۔پولیس اسٹیشن بڈگام نے چیکنگ کے دوران بالترتیب موہن پورہ کراسنگ، ریشی پورہ ریلوے پل اور بٹھار کراسنگ پر غیر قانونی طور پر کھدائی کی گئی مٹی سے لدے3ٹپروں کو روک کر قبضے میں لے لیا اور ایک ٹپر کے ڈرائیور کو بھی موقع پر گرفتار کر لیا گیا تاہم 2ملزمان ڈرائیور اپنے ٹپر چھوڑ کر موقع سے فرار ہونے میں کامیاب ہو گئے۔ گرفتار ڈرائیور کی شناخت ہلال احمد بٹ ولد غلام احمد بٹ ساکن پیمس بڈگام کے طور پر کی گئی ہے۔ تھانہ پولیس بڈگام نے اس سلسلے میں، مقدمہ ایف آئی آر نمبرات157،158اور159/2022 قانون کی متعلقہ دفعات کے تحت درج کیا اور تحقیقات شروع کی گئی ۔غیر قانونی کان کنی کی سرگرمیوں میں ملوث پائے جانے والے افراد کے خلاف قانون کے مطابق کارروائی کی جائے گی۔ کمیونٹی ممبران سے درخواست کی جاتی ہے کہ وہ اپنے پڑوس میں ہونے والے جرائم کے بارے میں معلومات اپنے متعلقہ پولیس یونٹوں کے ساتھ شیئر کریں تاکہ ملوثین کے خلاف قانون کے مطابق کاروائی کی جائیگی۔
