لفٹینٹ گورنر نے سینئر حکام سے بات کی ، ریاسی اور رام بن میں امدادی اور بچاؤ آپریشنز کا جائیزہ لیا

سرینگر// لفٹینٹ گورنر مسٹر منوج سنہا نے سینئر حکام سے بات کی اور ریاسی اور رام بن اضلاع میں بادل پھٹنے اور بارش سے پیدا ہونے والے لینڈ سلائیڈنگ کے بعد صورتحال اور امدادی و بچاؤ آپریشنز کا جائیزہ لیا ۔ لفٹینٹ گورنر نے ان خاندانوں سے دلی ہمدردی کا اظہار کیا جنہوں نے اس المناک واقعات میں اپنے پیاروں کو کھو دیا ۔ انہوں نے حکام کو ہدایت دی کہ متاثرہ خاندانوں کو ہر ممکنہ امداد فراہم کی جائے ۔ ایکس پر ایک پوسٹ میں لفٹینٹ گورنر نے کہا :’’ریاسی اور رام بن میں بادل پھٹنے اور بارش سے پیدا ہونے والے لینڈ سلائیڈنگ سے دل گرفتہ ہوں ۔ سوگوار خاندانوں سے تعزیت ۔ سینئر حکام سے بات کی اور صورتحال کا جائیزہ لیا ۔ بچاؤ اور امدادی آپریشنز جاری ہیں ۔ متاثرین کو ہر ممکنہ امداد فراہم کی جا رہی ہے ۔ ‘‘