سرینگر//سیکرٹری صحت اور طبی تعلیم( ایچ اینڈ ایم ای )بھوپندر کمار نے جموں و کشمیر میں آیوشمان بھارت ، پی ایم جے اے وائی /ایس ای ایچ اے ٹی اسکیم کے نفاذ کا جائیزہ لینے کیلئے ایک میٹنگ کی صدارت کی ۔ چیف ایگزیکٹو آفیسر ( سی ای او ) اسٹیٹ ہیلتھ ایجنسی ( ایس ایچ اے ) سنجیو گذکر نے شروع میں جموں و کشمیر میں آیوشمان بھارت ، پی ایم جے اے وائی /ایس ای ایچ اے ٹی اسکیم کے نفاذ کے بارے میں تفصیلی پرذنٹیشن دی ۔ انہوں نے بتایا کہ جموں و کشمیر کے 98 فیصد سے زیادہ خاندانوں کے پاس کم از کم ایک آیوشمان کارڈ ہے اور 83 فیصد سے زیادہ استفادہ کنندگان نے آیوشمان کارڈ حاصل کیا ہے ۔ انہوں نے مزید بتایا کہ موجودہ پالیسی کی مدت کے دوران سکیم کے تحت تین لاکھ سے زیادہ علاج کئے جا چکے ہیں اور ہسپتالوں کے حق میں 430 کروڑ روپے جاری کئے گئے ہیں ۔ انہوں نے ہسپتالوں کی طرف سے کئے گئے کام کا تفصیلی جائیزہ بھی دیا ۔ سی ای او ایس ایچ اے جموں و کشمیر نے بتایا کہ 25 غلط ہسپتالوں کے خلاف کاروائی شروع کر دی گئی ہے اور اسٹیٹ اینٹی فراڈ یونٹ ایسے تمام اسپتالوں کی سرگرمیوں پر گہری نظر رکھے ہوئے ہے ۔ سیکرٹری ایچ اینڈ ایم ای نے اس حقیقت پر زور دیا کہ آیوشمان بھارت پی ایم جے اے وائی /ایس ای ایچ اے ٹی اسکیم جموں و کشمیر کی سب سے زیادہ مہتوا کانکشی اسکیموں میں سے ایک ہے اور اس کے موثر نفاذ سے یو ٹی کے لوگوں کی رسائی میں کافی حد تک بہتری آئی ہے ۔ انہوں نے مختلف اسٹیک ہولڈرز پر زور دیا کہ وہ نگرانی اور تشخیص کو مضبوط بنائیں اور اس بات کو یقینی بنائیں کہ اسکیم کے تحت دھوکہ دہی کیلئے صفر رواداری کے عزم کی طرف اقدامات کئے جائیں ۔ انہوں نے مزید کہا کہ اگر ہسپتال فراڈ کی سرگرمیوں میں ملوث ہیں تو حکومت ہسپتالوں کو ڈی پینلمنٹ اور بلیک لسٹ کرنے سے دریغ نہیں کرے گی ۔ بھوپندر نے دونوں ڈائریکٹر ہیلتھ سروسز کشمیر اور جموں کو ہدایت دی کہ وہ اپنے دائرہ اختیار میں کام کرنے والی مختلف لیبارٹریوں پر نظر رکھیں اور دیکھیں کہ آیا وہ اسکیم کے تحت ہدایات پر عمل کرتی ہیں ۔ انہوں نے شرکاء پر زور دیا کہ وہ اسکیم کے تحت رپورٹنگ /تجزیہ کو بہتر بنائیں خاص طور پر فائدہ اٹھانے والے فیڈ بیک سسٹم ، بینیفشری آڈٹ ، ٹیبل ٹاپ آڈٹ مشقوں اور اسٹیٹ اینٹی فراڈ یونٹ کے تحت سرگرمیوں کو بڑھائیں ۔ میٹنگ میں ہیلتھ سروسز جموں و کشمیر کے ڈائریکٹرز ، ڈپٹی سیکرٹری ایچ اینڈ ایم ای ٹاک ، اسٹیٹ نوڈل آفیسر اور محکمہ صحت اور طبی تعلیم کے دیگر سینئر عہدیداروں نے شرکت کی ۔
