سکل ڈیولپمنٹ ڈیپارٹمنٹ نے جموں وکشمیر کے آئی ٹی آئیز اور پولی تکنیک کالجوں میں خواتین ایس ایچ جیز کیلئے سکل ٹریننگ کا آغاز کیا

سری نگر//سکل ڈیولپمنٹ ڈیپارٹمنٹ نے سیلف ہیلپ گروپس( ایس ایچ جیز )خواتین اَرکان کے سکل ٹریننگ فراہم کرنے کے لئے جموںوکشمیر کے آئی ٹی آئیز او رپولی تکنیک کالجوں میں ایس ایچ جیز کے لئے تربیتی پروگرام کا آغاز کیا۔پرنسپل سیکرٹری سکل ڈیولپمنٹ ڈیپارٹمنٹ ڈاکٹر اَصغر حسن سامون نے اِس سلسلے میں ایک میٹنگ کی صدارت کی جس میں مختلف سیلف ہیلپ گروپس کے لئے تربیتی پروگرام کی عمل آوری کا جائزہ لیا ۔سکل ٹریننگ اور آمدنی پیدا کرنے کی سرگرمی کے تربیتی پروگرام کے تحت 70,000 خواتین سیلف ہیلپ گروپس( ایس ایچ جیز) کو 12روزہ تربیتی پروگرام کے دوران ان کے کاروبار سے متعلق تربیت دی جائے گی۔خواتین کو فیشن ڈیزائننگ ، سلائی ٹیکنالوجی ، ہارٹی کلچر، کاسمیٹولوجی ، فروٹ پروسسنگ اور دیگر ہنروں میں ہرقسم کی جدید ٹیکنالوجی کی مہارت سے آراستہ کیا جائے گا تاکہ انہیں اَپنے کاروباری یونٹوں کو چلانے کے دوران کسی قسم کی رُکاوٹ کا سامنا نہ کرنا پڑے اور وہ چھوٹی صنعتیں چلانے کے قابل بنیں اور کامیابی حاصل کریں۔ دوران میٹنگ ڈاکٹر اصغر حسن سامون کو جانکاری دی گئی کہ صوبہ کشمیر میں 800 خواتین نے مختلف کورسوں کی ٹریننگ کے لئے رِپورٹ کیا ہے جبکہ ٹریننگ پروگرام کے پہلے دِن جموں صوبہ میں 684 خواتین نے ٹریننگ کے لئے رِپورٹ کیا۔ڈاکٹر اصغر حسن سامون نے میٹنگ کی صدارت کرتے ہوئے کہا کہ یہ ایک شائستہ آغاز ہے اور اِس بات پر زور دیا کہ سیلف ہیلپ گروپس( ایس ایچ جیز ) کی مناسب تربیت اور ہینڈ ہولڈنگ ان کی آمدنی کی سطح کو بڑھانے کے لئے وقت کی ضرورت ہے۔اُنہوں نے کہا کہ خواتین کے سیلف ہیلپ گروپس( ایس ایچ جیز )کو تربیت فراہم کرنا حکومت کی ترجیح ہے اور اِس سلسلے میں سنجیدہ کوششیں کی جارہی ہیں۔پرنسپل سیکرٹری نے این آر ایل ایم کے پرنسپلوں اور نمائندوں سے رائے لی اور انہیں ایک مربوط اَنداز میں کام کرنے کی ہدایت دی تاکہ سیلف ہیلپ گروپس( ایس ایچ جیز )کو ان کی معاشی بااختیار بنانے کے لئے ہر ممکن طریقے سے فائدہ پہنچے۔ڈاکٹر اَصغر حسن سامون نے مزید کہا کہ سکل ڈیولپمنٹ موجودہ دور کی اَفرادی قوت کے لئے ایک ضرورت بن کر اُبھر رہی ہے کیوں کہ اسے روزہ مرہ کے کام سے نمٹنے کے لئے کثیر کام کرنے والے اَفراد کی ضرورت ہے۔اُنہوں نے پرنسپلوں پر مزید زو ردیا کہ وہ ٹرینیز کے ساتھ طویل مدتی تعلقات استوار کریں اور جب بھی اَپنے کاروبار کو کامیابی سے چلانے کے لئے ضرورت ہو اُنہیں ہر ممکن مدد فراہم کریں۔ اُنہوں نے یہ بھی کہا کہ تربیتی پروگرام کے ختم ہونے کے بعد دلچسپی رکھنے والے کسی کو بھی آئی ٹی آئیز میں جدید تربیت فراہم کی جائے گی۔اُنہوں نے متعلقہ اَفسران کو تربیتی پروگرام کے لئے سیلف ہیلپ گروپس( ایس ایچ جیز )کی رجسٹریشن کے بارے میں روزانہ اَپ ڈیٹ بھیجنے اور زیادہ سے زیادہ فوائد حاصل کرنے کے لئے پروگرام کی باقاعدگی سے نگرانی کرنے کی ہدایت دی۔