پی ڈی اے کے دائرہ اِختیار میں سنگل یوز پلاسٹک کے بارے میں بیداری مہم کا آغاز کیا
اودھمپور//مرکزی وزیر خواتین اور بچوں کی ترقی و اقلیتی اَمور سمرتی اِیرانی نے آج پتنی ٹاپ میں سنگل یوز پلاسٹک کے بارے میں بیداری مہم کا آغاز کیا اور مرکزی حکومت کی عوامی رَسائی پروگرام کے تحت ضلع کے اپنے دو روزہ دورے کے لئے ادھم پور پہنچیں۔واضح رہے کہ پتنی ٹاپ ڈیولپمنٹ اتھارٹی نے پلاسٹک ویسٹ مینجمنٹ ترمیمی رولز 2021 اورپتنی ٹاپ ڈیولپمنٹ اتھارٹی سالڈ ویسٹ مینجمنٹ بائی لاز 2021 کے مطابق اپنے دائرہ اختیار میں سنگل یوز پلاسٹک پر مکمل پابندی عائد کرنے کے لئے ایک جامع منصوبہ شروع کیا ہے۔ آلودگی اور دیرپا مستقبل کے لئے نازک ماحولیاتی نظام کی حفاظت کریں۔بیداری مہم کا مقصد لوگوں کو ایس یو پی سے وابستہ خطرات کے بارے میں آگاہ کرنا، رائے عامہ کا اندازہ لگانااور متبادل کے استعمال کو فروغ دینا تھا۔سمرتی اِیرانی نے پی ڈی اے کے ماحول دوست اقدام کی تعریف یرتے ہوئے پتنی ٹاپ کے سرسبز و شاداب میدانوں سے بیداری مہم کا آغاز کرتے ہوئے شراکت داروں او رسیاحوں پر زور دیا کہ وہ پتنی ٹاپ ٹورازم سرکٹ کے قدرتی حسن اور ماحولیاتی توازن کو برقرار رکھنے میں اَپنا تعاون کریں۔مرکزی وزیر نے کہا ،’’ پلاسٹک کے تمام جانداروں اور ان کے ماحولیاتی نظام پر منفی اثرات مرتب ہوتے ہیں بالخصوص سنگل یوز پلاسٹک میں کوڑا کرکٹ کی بہت زیادہ صلاحیت ہوتی ہے اور اس کا بہترین طریقہ یہ ہے کہ ان کے استعمال کو کم کیا جائے اور انہیں آہستہ آہستہ چھوڑ دیا جائے۔ یہ دلکش مقام، سیاحوں اور سیاحتی شراکت داروں اور مقامی عوام کو پلاسٹک پر انحصار سے ہٹنے میں مدد کرنی چاہیے۔ وہ پلاسٹک کے انتظام، قابل عمل متبادلات اور آلودگی کے انتظام میں اختراع کے ذریعے بھی رہنمائی کر سکتے ہیں۔‘‘اس موقعہ پر پی ڈی اے کے چیف ایگزیکٹیو آفیسر نے کہا، ’’پی ڈی اے ’کلین پٹنی ٹاپ گرین پٹنی ٹاپ‘کو برقرار رکھنے کے لئے متعدد اقدامات کر رہا ہے۔ ہم شراکت داروں سے درخواست کرتے ہیں کہ وہ پابندی کے مؤثر نفاذ، اختراعی حل اور پلاسٹک کے متبادل کے بارے میں اپنی معلومات اور تجاویز شیئر کریں۔ ‘‘اس موقعہ پرضلع ترقیاتی کمشنر اودھم پورضلع ترقیاتی کمشنر رام بن ، ایس ایس پی ادھم پور اور رام بن، پی آر آئی کے نمائندوں کے علاوہ دیگرمتعلقین موجود تھے۔
