جموں//پرنسپل سیکرٹری زررعی پیداوار و بہبود کساناں نوین کمار چودھری کی صدارت میں منعقدہ ایک میٹنگ میں صوبہ کشمیر میں موجودہ زرعی سرگرمیوں کو فروغ دینے کے لئے سال2022-23ء میں 30.43کروڑ روپے کے ایکشن پلان کومنظوری دی گئی۔دوران میٹنگ نوین کمار چودھری نے اِس بات پر زور دیا کہ پورے صوبہ کشمیر میں رواں سال کے دوران ایک اِضافی فصل کا اِضافہ کیا جانا چاہیئے۔اِس بات کا فیصلہ لیا گیا کہ کاشت کاروں کی آمدنی میں اِضافہ کرنے کے لئے سبزیوں کے علاوہ تیل کے بیج اور چارے کو بھی مکمل تعاون اور فروغ دیا جائے گا۔یہ بات اطمینان کے ساتھ نوٹ کی گئی کہ دھان کی کٹائی کے بعد تقریباً70فیصد کھیت سرسوں کی کاشت سے ڈھک چکا ہے جو پہلے محض 6سے 7فیصد ہو ا کرتا تھا۔پرنسپل سیکرٹری نے یہ بھی ہدایت دی کہ 31؍ مئی 2022ء تک تمام کسانوں کو سوئیل ہیلتھ کارڈ ز جاری کئے جائیں ۔ اس کے لئے تمام اَفسران مشن موڈ میں کام کریں گے اور ہفتہ وار بنیادوں پر اعلیٰ سطح پر پیش رفت کا جائزہ لیا جائے گا۔
اِس برس زعفران کی تجدید کو مزید بڑھانے کے لئے کیپکس میں 2کروڑ روپے کی رقم فراہم کی گئی ہے ۔ اِسی طرح وادی کشمیر کے کنڈی علاقوں میں پانی کی کمی کو پورا کرنے کے لئے کمیونٹی بورویلوں کی مدد کے لئے 3کروڑ روپے فراہم کئے گئے ہیں۔میٹنگ میں اس بات پر زور دیتے ہوئے کہ میکانائزیشن وقت کی ضرورت ہے ۔ٹریکٹر ، ٹیلرز ، لینڈ لیولرز ، کمبائن ہارویسٹر وغیرہ کی خریداری کے لئے تعاون فراہم کرنے کی خاطر ایکشن پلان میں 6 کروڑ روپے رکھے گئے ہیں۔وادی کشمیر میں رواں سال کے دوران کسانوں کے ذریعے200 ٹریکٹرکی خریداری پر سبسڈی دی جائے گی۔ معیاری تصدیق شدہ بیج اور بیج کی تبدیلی اوّلین ترجیح ہے۔ اعلیٰ روٹی کے معیار ی بیجوں کی تیاری کے لئے محکمہ کے تمام زرعی فارموں کی مکمل صلاحیت کو بروئے کار لانے پر سال کے دوران 12 کروڑ روپے خرچ کئے جائیں گے۔ یہ بیج کسانوں کو نہ صرف اناج کی فصلوں بلکہ سبزیوں، غیر ملکی سبزیوں، مسالوں جیسے کشمیری مرچی، ہلدی، دواؤں کے پودوں، آلو اور تیل کے بیجوں کے لئے بھی رعایتی نرخوں پر فراہم کئے جائیں گے۔اضافی زرعی سرگرمیوں اور کاروبار کو فراہم کرنے کے لئے مشروم کی کاشت اور مگس بانی پر 2 کروڑ روپے خرچ کئے جائیں گے۔ ان دونوں علاقوں میں جغرافیائی اور موسمی حالات پیداوار کے معیار اور مقدار کو کئی گنا بڑھانے کے لئے انتہائی سازگار ہیں۔پرنسپل سیکرٹری نوین کمار چودھری نے پریمیم مصنوعات جی آئی کے لئے مؤثر اِقدامات کرنے کو بھی کہا ۔ موجودہ برس کے دوران ٹیگ کیا گیا ۔اِسی طرح پروموشنل اور معلومات کی ترسیل کی سرگرمیوں سے کسانوں کے ساتھ موثر رابطے پر زور دیاگیا ہے اور اِس مقصد کے لئے روان برس کے دوران خاطر خواہ رقم خرچ کی جائے گی۔
