عبادت گاہوں میں شو ریک اور سی سی ٹی وی لگائے جائیں گے ۔ درخشاں اندراربی
سرینگر//وقف چیرپرسن اور بی جے پی لیڈر درخشاں اندرابی نے کہا ہے کہ آستانوں اور خانقاہوں میں ذائرین کو جوتے لیکر اندر جانے کی اجازت نہیں دی جائے گی اور جائے مقدس کا تقدس برقرار رکھا جائے گا جس کے لئے شو ریک اور دیگر چیزیں آستانوں میں رکھی جائیں گی جبکہ سی سی ٹی وی بھی شو ریکوں کی نگرانی کیلئے نصب کئے جائیں گے ۔ سی این آئی کے مطابق وقف بورڈ کے چیرپرسن اور بی جے پی لیڈر سید درخشاں اندرابی نے وقف کے زیر کنٹرول مساجد اور خانقاہوں کے نمازی علاقوں میں جوتے کے داخلے پر پابندی لگانے کا حکم جاری کیا ہے۔یہ فیصلہ غیر صحت مند حالات اور مذہبی تقدس کی خلاف ورزی کے خدشات کے پیش نظر کیا گیا جب عقیدت مند اپنے جوتے کے قریب نماز ادا کرتے ہیں۔ انجینئرنگ ونگ اور دیگر عملے کے ارکان کو ہدایت کی گئی ہے کہ وہ نمازی علاقوں کے باہر جوتوں کو محفوظ رکھنے کے لیے مناسب انتظامات کریں۔اس میں سی سی ٹی وی کی نگرانی کے تحت جوتوں کے ریک کی تنصیب شامل ہوگی۔ ان انتظامات کی تکمیل کے بعد، آستانوں،خانقاہوں اور مساجد کے منتظمین کو عبادت گاہوں میں جوتے کے داخلے پر پابندی کو نافذ کرنا ہوگا۔ پابندی فوری طور پر ان مقامات پر نافذ کی جائے گی جہاں سی سی ٹی وی کی نگرانی کے تحت کافی جوتوں کے ریک پہلے سے موجود ہیں۔
