جموں وکشمیر میں دیرپا ترقی اور خوشحالی کیلئے فِش فارمنگ میں اِنقلاب لانا ہے

جموں//جموںوکشمیر میں وافر آبی وسائل ہیں اور مچھلیوں او رماہی پروری کی ترقی کی بڑی صلاحیت موجود ہے۔تاہم اِس شعبے کوفرسودہ بنیادی ڈھانچہ ، افزائش نسل میں کمی ، آبی زراعت کی محدود اَقسام ، نازک آبی ماحولیاتی نظام اور جدید آبی زراعت کی ٹیکنالوجیز کی کمی جیسے چیلنجوں کا سامنا ہے۔حکومت جموںوکشمیر یوٹی نے اِن چیلنجوں پر قابو پانے اور مچھلی کی پیداوار کو بڑھانے کے لئے 176کروڑ کا پروجیکٹ کی منظوری دی ہے۔اِس منصوبے میں جینیاتی طور پر بہتر مچھلی کے بیج کی درآمد ، موجودہ ہیچریوں اور مچھلی پانے کے یونٹوں کو اَپ گریڈ کرنا، آر اینڈ ڈی سے آبی زراعت میں انواع کے تنوع کو متعارف کرنااور آر اے ایس اور بائیوفلوک جیسی جدید ٹیکنالو جی کا اِستعمال کرتے ہوئے ٹرائوٹ او رکارپ مچھلی کی پیداوار کو کمرشل بنانا شامل ہے۔ایڈیشنل چیف سیکرٹری زرعی پیدوار محکمہ اَتل ڈولونے کہا کہ اِس پروجیکٹ کا مقصد غذائی تحفظ ، روزگار پیدا کرنے اور معاشی خوشحالی کے لئے ماہی گیری کی دیرپا ترقی کو فروغ دینا ہے۔جموںوکشمیر یوٹی میں اِس پروگرام کا مقصد مچھلی پیداوار ، پیداواری صلاحیت اور شرح نمو میں اِضافہ کرنا ہے ۔نیز ماہی گیری برادری کے لئے سماجی تحفظ اور فلاحی اقدامات کو مضبوط بنانا ، فصل کی کٹائی کے بعد کے بہتر طریقوں اور قدر میں اِضافے کی سہولیت فراہم کرنا اور مارکیٹ کے روابط پیدا کرنا ہے۔اُنہو ں نے کہا ،’’ کامیاب آبی زراعت کے لئے بنیادی ضروریات میں سے ایک اَچھے معیار کے مچھلی کے بیج کی دستیابی ہے۔ منصوبے کے تحت تکنیکی پروگرام میں مچھلی کے بیجوں کی جینیاتی طور پر بہتر اَقسام کی درآمد شامل ہے تاکہ فِش فارمنگ کے طریقوں کی مجموعی کامیابی کو یقینی بنایا جاسکے۔ معیاری مچھلی کا بیج ،مچھلی کی صحت ، سائز ، شرح نمو ، بیماریوں کے خلاف مزاحمت اور دیگر فزیکل خصوصیت کا تعین کرتا ہے جو مچھلی کی مجموعی پیداوار کوبہتر کرے گی۔جینیاتی طور پر بہتر مچھلی کے بیج درآمد کرنے ، تکنیکی پروگرام کا مقصد نئے ہیچری یونٹوں کا قیام اورموجودہ سائنسی خطوط پر اَپ گریڈ کرنا ہے۔اِس سے فِش فارمنگ کے لئے دستیاب مچھلی کے بیج کے معیار اور مقدار میں بہتری آئے گی اور آبی زراعت کی انواع کی زیادہ متنوع رینج کی پیداوار کو قابل بنایا جائے گا۔حکومت جموںوکشمیر 10نئی ٹرائوٹ ہیچریاں اور 2 کارپ ہیچریاں قائم کرنے اور 8 کارپ اور 10 ٹرائوٹ یونٹوں کو اَپ گریڈ کرنے کا منصوبہ رکھتی ہے۔ان 29 منصوبوں میں سے ’’ جموںوکشمیر یوٹی میں مچھلی کے بیجوں اور ٹرائوٹ کی پیداوار کے لئے تکنیکی اقدام‘‘ ایک ہے جسے جموںوکشمیر اِنتظامیہ نے یوٹی سطح کی اعلیٰ کمیٹی کی طرف سے جموںوکشمیر یوٹی میں زراعت اور اس سے منسلک شعبوں کی ہمہ گیر ترقی کی سفارش کے بعد منظور ی دی تھی۔ اِس باوقار کمیٹی کی سربراہی سابق ڈی جی آئی سی اے آر ڈاکٹر منگلا رائے کر رہے ہیں اور اس میں زر اعت ، منصوبہ بندی ، شماریات اور اِنتظامیہ شعبے میں سی اِی او این آر اے اے اشوک دِلوائی، سیکرٹری این اے ایس ڈاکٹر پی کے جوشی ، باغبانی کمشنر ایم او اے اور ایف ڈبلیو ڈاکٹر پربھات کمار ، سابق ڈائریکٹر آئی اے آر آئی ڈاکٹر ایچ ایس گپتا ، ایڈیشنل چیف سیکرٹری زرعی پیداوار محکمہ اَتل ڈولو اور دونوں ایگری کلچر یونیورسٹیوںکے وائس چانسلردیگر نامور شخصیات ہیں۔اِس منصوبے میں تحقیق او رترقی ( آر اینڈ ڈی) سے آبی زراعت میں انواع کے تنوع کو متعارف کرنا بھی شامل ہیں۔ حکومت جموںوکشمیر یوٹی اِس بات کو تسلیم کرتی ہے کہ آبی زراعت کی محدود اقسام اِس شعبے کے لئے ایک چیلنج ہے اور اِس کا مقصد آر اینڈ ڈی کے ذریعے اس سے نمٹنا ہے۔یہ پروگرام آبی زراعت کے لئے مچھلیوں کی نئی اَنواع تیار اور متعارف کرے گاجس سے نہ صرف فِش فارمنگ کے لئے دستیاب مچھلیوں کی اقسام میں اِضافہ ہوگا بلکہ ان بریڈنگ ڈپریشن کے خطرات کو بھی کم کیا جائے گا۔ٹرائوٹ اور کارپ مچھلی کی پیداوار کو تجارتی بنانے کے لئے آر اے ایس ،بائیوفلوک جیسی جدید ٹیکنالوجی کو بڑے پیمانے پر متعارف کیا جائے گا۔ یہ ٹیکنالوجی اس بات کو یقینی بنائے گی کہ مچھلیوں کی پرورش ایک کنٹرول شدہ اور بہترین ماحول میں ہوجس سے ان کی شرح نمو اور سائز میں اِضافہ ہوگا۔آر اے ایس ( رِی سرکیولیٹنگ ایکوا کلچر سسٹم ) ٹیکنالوجی میں فضلہ کو ہٹا کر او رپانی کو دوبارہ آکسیجن دے کر پانی کا دوبارہ اِستعمال شامل ہے جو اسے فِش فارمنگ کے لئے ایک زیادہ دیرپا او رماحول دوست بناتا ہے ۔ بائیوفلوک ٹیکنالوجی ایک ثقافتی نظام ہے جس میں فضلہ کو مچھلی کے لئے پروٹین سے بھرپور فیڈ میں تبدیل کرنا شامل ہے جس سے فیڈ کے اجزأ کی لاگت کم ہوتی ہے اور دیرپا فِش فارمنگ کو فروغ ملتا ہے۔تکنیکی پروگرام کا مقصد ماہی گیری کی ترقی کے اہم اہداف سے جموں وکشمیر یوٹی میں فِش فارمنگ میں اِنقلاب لانا ہے ۔ یہ پروگرام ٹرائوٹ کی سالانہ پیداوار کو 1,663 سے 4,000 ٹن تک 2.5 گنا بڑھانا اور ہر برس اِضافی 1,200 ٹن کارپس شامل کرنا چاہتا ہے ۔ پروگرام دیگر علاقوں سے تقریباً 5,000 ٹن مچھلی کی موجودہ درآمد کو مقامی تجارت میں تبدیل کرنا ہے جس سے 6,050 روزگار او ر150 کاروباری اِدارے پیدا ہوں گے ۔ اِس پروگرام کا مقصد مچھلی شعبے کی شرح نمو کو 3.28 فیصد سے بڑھا کر 40 فیصد کرنا اور آمدنی 105.55کروڑ روپے سے بڑھا کر 589 کرور روپے سالانا کرنا ہے۔پروجیکٹ کے کامیاب عمل آور سے نہ صرف ماہی گیری کی دیرپا ترقی کو فروغ ملے گا بلکہ جموںوکشمیر یوٹی میں غذائی تحفظ ، روزگار پیدا کرنے اور اِقتصادی خوشحالی میں بھی مدد ملے گی۔ یہ ماہی گیری برادری کے لئے سماجی تحفظ اور بہبود ی اقدامات کو بھی مضبوط کرے گا۔ اِس بات کو یقینی بناکر کہ پروگرام کے فوائد نچلی سطح تک پہنچیں ۔ تکنیکی پروگرام کو اِس شعبے کو درپیش چیلنجوں سے نمٹنے کے لئے ڈیزائن کیا گیا ہے اور جموںوکشمیر یوٹی میں مچھلی اور ماہی پروری کی ترقی کو بہتر بنانے کے لئے ایک جامع حل فراہم کیا گیا ہے۔ پروگرام کا مقصد جدید ٹیکنالوجی ، آر اینڈ ی او رمارکیٹ روابط کا فائدہ اُٹھاتے ہوئے خطے میں ایک متحرک آبی زراعت کی صنعت بنانا ہے۔منصوبے کی کامیابی سے نہ صرف ماہی گیری برادری اور آبی زراعت کی صنعت فائدہ پہنچے گا بلکہ خطے میں دیرپا ترقی کے بڑے ہدف میں بھی حصہ اَدا کرے گا۔ یہ پروگرام مقامی آبادی کے لئے غذائیت سے بھرپور اور سستی مچھلیوں کی دستیابی میں اِضافہ کرے گا جس سے ان کی غذائی تحفظ اور غذائیت میں بہتری آئے گی۔ اِس سے روزگار کے مواقع بھی پیدا ہوں گے او رمقامی معیشت کو فروغ ملے گا جو خطے کی مجموعی ترقی میں معاون ثابت ہوگا۔تکنیکی اَقدامات سے مچھلی اور ماہی پروری کی ترقی کو فروغ دینے کے لئے جموںوکشمیر یوٹی حکومت کا اقدام صحیح سمت میں ایک قدم ہے او راُمید کی جاتی ہے کہ یہ دوسرے خطوں کے لئے ایک نمونہ کے طور پر کام کرے گا۔