چیف ایگزیکٹیو آفیسرگلمرگ ڈیولپمنٹ اتھارٹی کاناظم تعلیمات کشمیرکوخط ارسال
سری نگر// سیاحوں کے بے مثال رش اور ماحولیاتی طور پر نازک ماحول کے خطرے کا حوالہ دیتے ہوئے، گلمرگ ڈیولپمنٹ اتھارٹی کے چیف ایگزیکٹیو آفیسر نے ڈائریکٹر سکول ایجوکیشن کشمیر کو ایک خط لکھا ہے، جس میں ان پر زور دیا گیاہے کہ وہ تعلیمی اداروں سے کہیں کہ ہفتے کے آخر میں طلبہ کیلئے گلمرگ ایکسکرشن یا سیروتفریح کا منصوبہ نہ بنائیں۔جے کے این ایس کے مطابق گلمرگ ڈیولپمنٹ اتھارٹی کے چیف ایگزیکٹیو آفیسر نے ناظم تعلیمات کشمیرکوبھیجے گئے خط میںپچھلے دو ہفتوں سے، گلمرگ میں سیاحوں کا بے مثال بہاؤ دیکھا گیا ہے جس کی وجہ سے علاقے میں بار بار ٹریفک جام اور دیگر تکلیفیں ہوتی رہتی ہیں۔یہاں یہ بات قابل ذکر ہے کہ ماسٹر پلان 2032 کا پہلا مرحلہ ریاستی انتظامی کونسل کے ذریعہ منظور شدہ فیصلہ نمبر140/20/2018بتاریخ 22نومبر2018 ہے، جس میں سیاحوں کی بڑھتی ہوئی آمد کے کچھ بڑے خطرات کے پیش نظر تفصیل سے بیان کیا گیا ہے۔ خط میں لکھا گیاکہ اس علاقے میں بڑے پیمانے پر سیاحت کے فروغ سے منسلک سیاحوں کی بڑھتی ہوئی آمد کے سنگین اور منفی نتائج ہوں گے۔خط میں مزید لکھاگیاہے کہ سیاحتی مقام گلمرگ کے علاقے میں شور کی زیادہ سے زیادہ سطح دن کے وقت شور کی سطح کے لیے مقررہ معیارات سے قدرے زیادہ تھی۔خط میں یہ بھی لکھاگیاہے کہ گلمرگ کے علاقے کی یہ مسلسل ترقی اور نجی و تجارتی ٹریفک کے اضافے اور سیاحت کی شدت کے ذریعے کمیونٹی شور کی سطح کو متاثر کرے گی، اور جنگلی حیات کے رویے اور انسانی صحت کو متاثر کرے گی۔خط نے مزید درج ہے کہ اس کے علاوہ یہ کچھ اور مسائل ہیں جیسے، ماحولیات کے مسائل، حیاتیاتی تنوع کے مسائل، آلودگی کے مسائل، نباتات اور حیوانات کے مسائل، جمالیاتی مسائل وغیرہ، جنہیں ماسٹر پلان 2032کے لحاظ سے حل کرنے کی ضرورت ہے۔اس کے پیش نظر، ان حقائق کے ساتھ کہ زیادہ تر مقامی لوگ ویک اینڈ (ہفتہ اور اتوار) کو علاقے کا دورہ کرنے کو ترجیح دیتے ہیں۔لمرگ ڈیولپمنٹ اتھارٹی کے چیف ایگزیکٹیو آفیسر نے ڈائریکٹر سکول ایجوکیشن کشمیر سے درخواست کی کہ وہ وادی کے تمام اسکولوں کے سربراہوں کو ضروری ہدایات جاری کریں، تاکہ وہ اپنی منصوبہ بندی کریں۔ ہفتہ اور اتوار کے علاوہ ہفتے کے کسی بھی دن گلمرگ کی سیر/پکنک تاکہ منظور شدہ ماسٹر پلان کے لحاظ سے ایکو نازک ماحول کو برقرار رکھا جائے۔
