بارہمولہ میں سیکٹورل اور زونل مجسٹریٹوں کیلئے اِی وِی ایم اور وِی وِی پی اے ٹی ٹریننگ کا اِنعقاد

بارہمولہ// لوک سبھا۔ 2024 ء کے آئندہ عام اِنتخابات کے پیش نظر ڈاک بنگلو میںضلع بارہمولہ کے تمام سیکٹورل اورزونل مجسٹریٹوں کے لئے الیکٹرانک ووٹنگ مشین (اِی وِی ایم) اور ووٹر ویریفائی ایبل پیپر آڈِٹ ٹریل (وِی وِی پی اے ٹی) کی ایک جامع تربیت کا اِنعقاد کیا گیا۔ڈپٹی ڈسٹرکٹ الیکشن آفیسر اور نوڈل آفیسر ایس وی ای ای پی کی رہنمائی اور نگرانی میں منعقدہ تربیت کا مقصد اِنتخابات کے دوران اِی وِی ایم اور وِی وِی پی اے ٹی کو مؤثر طریقے سے استعمال کرنے کے تجربے سے شرکأ کوآراستہ کرنا تھا۔ماسٹر ٹرینر کی طرف سے دی گئی تربیت ای وی ایم اور وی وی پی اے ٹی پر تفصیلی کام کرنے پر مرکوز تھی جس کا مقصد ان ضروری اِنتخابی آلات کو اِستعمال کرنے میں اہلیت اور اعتماد کو بڑھانے کے لئے سیکٹورل اور زونل مجسٹریٹوں کو تفصیلی آپریشنل علم فراہم کرنا تھا۔سیشن میں الیکشن کمیشن آف اِنڈیا (اِی سی آئی) کی جانب سے ای وی ایم۔وی وی پی اے ٹی اور اس کے اِنتظامی طریقۂ کار کے حوالے سے وضع کردہ اِنتظامی طریقہ کار اور سٹینڈرڈ آپریٹنگ پروسیجرز (ایس او پیز) پر بھی تفصیلی تبادلہ خیال کیا گیا۔دورانِ سیشن ڈپٹی ڈی ای او نے مشینوں کے کام کرنے سے متعلق شکوک و شبہات کو دور کرنے میں تربیت کے اہم کردار پر روشنی ڈالی۔ اس طرح ٹیم کواِنتخابات کے دوران آسانی اور مؤثر طریقے سے اپنے فرائض انجام دینے کے قابل بنایا گیا۔