ایڈیشنل ڈپٹی کمشنر بھدرواہ نے ’ سوچھتا پکھواڑہ مہم ‘کے تحت صفائی مہم کی قیادت کی

ڈوڈہ// ایڈیشنل ڈپٹی کمشنر بھدرواہ سدرشن کمار کی نگرانی میںاے ڈی سی دفتر بھدرواہ میں ’’سوچھتا پکھواڑہ سنگرام مہم ‘‘کا اِنعقاد کیا۔اس تقریب میں میونسپل کمیٹی بھدرواہ، پولیس، فلوری کلچر اور دیگر سمیت مختلف محکموں کی فعال شرکت دیکھی گئی ۔اِس مہم کا مقصد علاقے میں صفائی اور ماحولیاتی تحفظ کو فروغ دینا ہے۔اِس مہم کے تحت شجرکاری مہم بھی چلائی گئی ۔ ایڈیشنل ڈپٹی کمشنرنے پودے لگانے کی اہمیت پر زور دیا اور شجرکاری کو ہندوستان کے تمام شہیدوں کی یاد میں وقف کیا جو قوم کے لئے ان کی قربانی کی علامت ہے۔اِس تقریب میں عوامی مقامات پر صفائی کو برقرار رکھنے ، پلاسٹک کے اِستعمال کو کم کرنے اورویسٹ سگریگیشن کو فروغ دینے پر توجہ مرکوز کرنے والی بیداری سرگرمیاں بھی شامل تھیں۔ شرکأ کی حوصلہ افزائی کی گئی کہ وہ اَپنی روزمرہ کی زندگی میں دیرپا طریقوں کو اَپنائیں تاکہ صاف ستھرا اور سرسبز بھدرواہ میں اپنا حصہ اَدا کرسکے۔ حصہ لینے والے محکموں اور شہریوں کی اجتماعی کوششوں سے اُمید کی جاتی ہے کہ ماحولیات اور کمیونٹی کی مجموعی فلاح وبہبود پر دیرپا اثر پڑے گا۔