سری نگر//جموںوکشمیر یوٹی حکومت نے تمام شعبوں میں متعدد تبدیلی اِقدامات شروع کرنے سے ایک بے مثال ترقی کی راہ پر گامزن کیا ہے۔لیفٹیننٹ گورنر منوج سِنہا کے ذریعے ایک اہم سکیم ’’ آپ کی زمین آپکی نگرانی‘‘ ( اے زیڈ اے این) کا آغاز جموںوکشمیر یوٹی اِنتظامیہ کی ایسی ہی ایک تاریخی کامیابی ہے جس میں لینڈ ریکارڈ کے جدید اِنتظامی نظام کو وسعت دینے اور نظام میں شفافیت کو بڑھایا گیا ۔’’ آپ کی زمین ، آپکی نگرانی ‘‘ ( اے زیڈ اے این ) پہل جموںوکشمیر کے لوگوں کے لئے ایک شفاف ، بہتر اور جدید لینڈ ریکارڈ مینجمنٹ سسٹم کو یقینی بنانے کے اَپنے مقصد کو کامیابی کے ساتھ پور ا کررہا ہے جو اَب بغیر کسی مشکل کے اَپنے زمینی ریکارڈ تک آن لائن رَسائی حاصل کرسکتے ہیں۔بژھ پورہ کے جہانگیر احمد نے اِس سکیم کی تعریف دیتے ہوئے کہاکہ اِس سے قبل مجھے اَپنے اراضی کے ریکارڈ کی ایک بھی کاپی حاصل کرنے کے لئے ایک جگہ سے دوسری جگہ جاناپڑتا تھا جو کہ کافی بوجھل، مشکل اور تھکادینے والاکام تھا لیکن ’’ آپ کی زمین ، آپکی نگرانی ‘‘ ( اے زیڈ اے این) کے آغاز کے بعد اَب میں گھر پر بیٹھ کر اَپنا کوئی بھی لینڈ ریکارڈ چیک کرسکتا ہوں۔اُنہوں نے اس کو تاریخی اقدام قرار دیتے ہوئے کہا کہ اِس سے پہلے شہریوں کے لئے ریونیو ریکارڈز کی آن لائن صورت دیکھنے یا اِس کی نگرانی کرنے کے لئے ایسا کوئی طریقۂ کار دستیاب نہیں تھا ۔ جموںوکشمیر کے اَضلاع میں معلومات کے خلأ کو پُر کرنے اور لوگوں کی آمدنی کے ریکارڈ تک رَسائی میں آسانی کو فروغ دینے اور سہ زبانی اراضی پاس بکس جاری کرنے کے عمل کو شروع کرنے کے لئے میں جموںوکشمیرحکومت کا بھی شکریہ اَدا کرتا ہوں۔‘‘اے ایڈ اے این ( آپ کی زمین ، آپکی نگرانی) : لیفٹیننٹ گورنر نے لینڈ ریکارڈز اِنفارمیشن سسٹم کا آغاز 22؍ اکتوبر 2021ء کو کیا تھا جس کے تحت اَب عوامی صارفین سی آئی ایس پورٹل ۔ http://landrecords.jk.gov.in/پر آن لائن سکین شدہ ڈیٹا کی کاپیاں تلاش اور دیکھ سکتے ہیں۔لیفٹیننٹ گورنر نے کہا کہ یہ اقدام لینڈریکارڈ سسٹم تک آسان آن لائن رَسائی کی سہولیت فراہم کرے گا۔ اِس طرح لینڈ ریکارڈ میں مینی پولیشن کو کم کرے گا اور ریونیو دفاتر کی کارکردگی میں خاطر خواہ بہتری آئے گی۔یہ پہل ڈیجیٹل اِنڈیا لینڈ ریکارڈ ز ماڈرنائزیشن پروگرام ( ڈی آئی ایل آر ایم پی ) کا ایک حصہ ہے جس کا باقاعدہ آغاز اپریل 2016 ء میں جموںوکشمیر میں کیا گیا ہے۔اَپنی نوعیت کی پہلی لینڈ پاس بُک جموںوکشمیر میں زمین کے قانونی مالکان کو اُردو ، انگریزی اور ہندی زبانوں میں جاری کی جارہی ہے۔ریونیو ڈیپارٹمنٹ کے عوامی معاملات میں شفافیت کو مزید فروغ دینے کے لئے اِصلاحاتی طور پرلوگوں کو ریونیو پاس بُک جاری کرنے کا ایک طریقۂ کار تیار کیا گیا ہے جس میں ان کی تمام قانونی اراضی کے بارے میں معلومات موجود ہیں اورحکومت نے اِس کی تکمیل کے لئے 15؍ اگست 2022 ء کی آخری تاریخ مقرر کی ہے۔جموںوکشمیر میں ’ ’آزادی کا امرت مہااُتسو‘‘کے ایک حصے کے طور پر ’’ اَپنی زمین اَپنی آپکی نگرانی‘‘ لینڈ ریکارڈ اِنفارمیشن سسٹم ( ایل آر آئی ایس ) کے بارے میں عوام الناس کو بیدار ی پیداکرنے کے لئے مختلف اِنفارمیشن ایجوکیشن اینڈ کمیونکیشن ( آئی اِی سی ) کی سرگرمیاں زوروں پر ہیں۔آئی اِی سی سرگرمیوں کے دوران خواتین سیلف ہیلپ گروپ ممبران کو موبائل پر لینڈ ریکارڈ دیکھنے کے لئے موبائل فون کے اِستعمال کے حوالے سے تربیت دی جارہی ہے۔ افسران پنچایت کی سطح پر ٹرینروں کا ایک نیٹ ورک بناتے ہیں تاکہ لوگوں کو ان کے لینڈریکارڈ تک رَسائی حاصل کرنے میںمزید مدد ملے۔لینڈ ریکارڈز اِنفارمیشن سسٹم ( ایل آر آئی ایس) ویب پر مبنی ملٹی ٹائرڈ ، قابل توسیع قابل اعتماد اور محفوظ نیٹ ورک اَنٹرپرائز ایپلی کیشن ہے ۔ ایل آر آئی ایس اِنٹگریٹیڈ ، جیوگرافیکل اِنفارمیشن سسٹم ( جی آئی ایس) پر مبنی فیصلہ سازی کا نظام ہے جو جے اے کے ایل آر ایم اے ایجنسی صارف ، ریاستی عوامی صارف ، خصوصی ایجنسی کے بیرونی صارف کو ریونیو ریکارڈ کے تجزیہ ، تشخیص اور معلومات کے لئے چوبیس گھنٹے خدمات فراہم کرتا ہے اور اِس کی ذیلی تفصیلات جیسے کہ یکارڈ ز حقوق ، جمعبندی ، گردواری ، اِنتقال اور بہت کچھ ہے۔این ایل آر ایم پی کے رہنما خطوط کے مطابق محکمہ ریونیو اینڈ فائنانشل کمشنر ریونیو نے زمین کے ریکارڈ کو جدید بنانے کے لئے پروگرام اور اِس کے بعد ریکارڈ کے اِنتظام سے نمٹنے کے لئے جموں وکشمیر یوٹی میں ایک پروجیکٹ مینجمنٹ یونٹ( پی ایم یو) بنایا ہے ۔ پی ایم یو کو ایک سوسائٹی کے طور پر رجسٹر کیا گیا ہے اور اسے جموںوکشمیر لینڈ ریکارڈ مینجمنٹ ایجنسی(JaKLaRMA)کے نام سے نامزد کیا گیا ہے ۔جموںوکشمیر یوٹی کے اندر تمام احاطہ کرنے والے محکموں ، ایجنسیوں اور دفتر کو شامل کرنے سے معاشرے کا انتظامی اور فعال ڈھانچہ بہت جامع ہے ۔ سوسائٹی کی صدارت چیف سیکرٹری کرتے ہیں اور بطورِچیف ایگزیکٹیو فائناشنل کمشنرریونیو ہوتا ہے ۔ جموںوکشمیر یوٹی میں پروگرام کی عمل آوری کے ایک حصے کے طور پر ریونیو ریکارڈ کے 7.70کروڑ صفحات اور 55,216 موسوی ) نقشے )کو سکین کیا گیا ہے ۔ اِس کے علاوہ 3,895 گرائونڈ کنٹرول پوائنٹس کے قیام اور ویب پر مبنی اِنٹرپرائز جیو اِنفارمیشن سسٹم ( جی آئی ایس ) کی ترقی ہے۔
