سری نگر//اودھم پور ضلع میں بدھ کو مٹی کے تودے گرنے سے جموں سری نگر قومی شاہراہ تقریباً2گھنٹے تک بند ہو گئی تھی۔جے کے این ایس کے مطابق ذرائع نے بتایا کہ مٹی کا تودہ 270 کلومیٹرمسافت والی قومی شاہراہ پر بدھ کو دن کے ساڑھے بارہ بجے کے قریب جاری تعمیراتی کام کے دوران ایک پسی گرآئی تھی، جس کی وجہ سے شاہراہ تقریباً2 گھنٹے بند رہی۔حکام نے مٹی کے تودے کوہٹائے جانے تک گاڑیوںکی آمدورفت روک دی ۔حکام نے بتایا کہ متعلقہ ایجنسیوں نے فوری طور پر اپنی مشینوں اور اہلکاروں کو کام پر لگا دیا اور2 گھنٹے کے اندر سڑک کی صفائی کا کام مکمل کر لیا اور شدید گرمی کے دوران جموں سری نگر قومی شاہراہ پراودھم پورکے نزدیک کے دونوں طرف پھنسے ہوئے سینکڑوں مسافروں کو راحت فراہم کی گئی۔ اور تقریباً2گھنٹے کی مشقت کے بعد شاہراہ کو آمد و رفت کیلئے کھول دیا گیا۔
