سرینگر//محکمہ زراعت کی پیداوار ( اے پی ڈی ) کے ایڈیشنل چیف سیکرٹری اتل ڈولو نے آج کیپیکس ، مرکزی اسپانسرڈ اسکیموں ( سی ایس ایس ) اور نبارڈ کے تحت زراعت اور اس سے منسلک شعبوں کی فزیکل کامیابیوں کا جائیز لینے کیلئے منعقدہ ایک میٹنگ کی صدارت کی ۔ ڈائریکٹر جنرل کمانڈ ایریا ڈیولپمنٹ جموں ، منیجنگ ڈائریکٹر ایگرو انڈسٹریز ڈیولپمنٹ کارپوریشن لمٹیڈ ، ڈائریکٹر سیریکلچر جے اینڈ کے ، ڈائریکٹر ایگریکلچر کشمیر /جموں ، ڈائریکٹر کمانڈ ایریا ڈیولپمنٹ کشمیر ، ڈائریکٹر فائنانس /پلاننگ اے پی ڈی ، سکاسٹ کے نمائندوں اور دیگر متعلقہ افراد نے ذاتی طور پر یا ورچول موڈ پر میٹنگ میں شرکت کی ۔ شروع میں ڈائریکٹر زراعت کشمیر نے سال 2022-23 کیلئے زراعت اور متعلقہ محکموں کے کیپیکس بجٹ کے تحت منظور شدہ پلان پر ایک پرذنٹیشن دی ۔ میٹنگ میں بتایا گیا کہ منظور شدہ 135.56 کروڑ روپے میں سے 54.23 کروڑ روپے زراعت کے شعبے سے منسلک آٹھ محکموں کیلئے بھی جاری کئے گئے ہیں ۔ اے سی ایس نے کشمیر اور جموں دونوں ڈویژنوں کیلئے فارم مشینوں ، ساز و سامان وغیرہ کی خریداری کیلئے سبسڈی کے اجزاء کے لحاظ سے تقسیم پر تبادلہ خیال کیا ۔ اسی طرح میٹنگ کے دوران بتایا گیا کہ کیپیکس کے تحت بیجوں /پودے لگانے اور رقبہ کی توسیع کیلئے 30.43 کروڑ روپے کی منظوری دی گئی ہے ۔ میٹنگ میں کیپیکس کے تحت سال 2022-23 کے اہم اہداف اور کامیابیوں پر بھی تفصیلی گفتگو ہوئی ۔ اجلاس کو محکمہ سیریکلچر کے بجٹ کے بارے میں بھی بتایا گیا جس میں 9.74 کروڑ روپے شامل ہیں جس میں سے 3 کروڑ روپے کیپیکس کے تحت سال 2022-23 کیلئے جاری کئے گئے ہیں ۔ میٹنگ میں سی ایس ایس کے تحت زراعت کے تمام 8 متعلقہ شعبوں کی فزیکل کامیابیوں کا تفصیلی جائیزہ لیا گیا ۔بعد ازاں میٹنگ میں نبارڈ کے تحت منظور شدہ اخراجات اور اس کے جاری کردہ فنڈز کے بارے میں تفصیلی بحث ہوئی ۔ میٹنگ کا خلاصہ کرتے ہوئے اتل ڈولو نے متعلقہ افسران سے کامیابیوں پر زیادہ توجہ مرکوز کرنے کو کہا اور کہا کہ تمام فزیکل اہداف اور کامیابیاں مقررہ وقت کے اندر حاصل کی جائیں ۔ دریں اثنا ایک اور میٹنگ میں ایڈیشنل چیف سیکرٹری نے کیپیکس ، سی ایس ایس اور نبارڈ کے تحت جانوروں اور بھیڑ پالنے اور ماہی پروری کے محکمے کے تحت فزیکل کامیابیوں کی پیش رفت کا جائیزہ لیا ۔ ڈائریکٹر انیمل ہبنڈری جموں /کشمیر ، ڈائریکٹر شیپ ہسبنڈری جموں /کشمیر ، ڈائریکٹر فشریز جموں و کشمیر اور دیگر متعلقہ افراد نے ذاتی طور پر اور جموں سے ویڈیو کانفرنسنگ کے ذریعے میٹنگ میں شرکت کی ۔
