کانگریس پارٹی پاکستان کے خلاف مرکزی حکومت کے کسی بھی اقدام کی مکمل حمایت کرتی ہے
سرینگر//پردیش کانگریس کے صدر اور ایم ایل اے بٹہ مالو طارق حمید قرہ نے کہا ہے کہ کانگریس مرکزی سرکار کی جانب سے پاکستان کے خلاف کسی بھی اقدام کی مکمل حمایت کرتی ہے ۔ انہوںنے بتایا کہ اس میں کوئی اگر یا مگر نہیں ہے اور جو بھی سرکار فیصلہ لے گی ہم اس کا ساتھ دیں گے ۔ ۔ طارق قرہ نے مزید کہا کہ پاکستان کے ساتھ کوئی بات چیت نہیں ہونی چاہئے کیوں کہ یہ بے سود ہے ۔ وائس آف انڈیا کے مطابق پردیش کانگریس لیڈر اور ایم ایل اے بٹہ مالو طارق حمید قرہ نے بتایا کہ پاکستان کے خلاف مودی سرکار جو اقدام اُٹھائے گی کانگریس اس کی بھر پور حمایت کرے گی ۔ میڈیا کے نمائندوں سے بات کرتے ہوئے انہوں نے کہا کہ کانگریس نے اس معاملے کی سخت الفاظ میں مذمت کی ہے اور ان کے موقف میں کوئی اگر یا لیکن نہیں ہے۔جموں و کشمیر پردیش کانگریس کمیٹی کے صدر طارق حامد قرہ نے پیر کو کہا کہ وہ ہندوستان اور پاکستان کے درمیان بات چیت کے خیال کی سخت مذمت کرتے ہیں اور مزید کہا کہ کانگریس پارٹی پاکستان کے خلاف مرکزی حکومت کے کسی بھی اقدام کی مکمل حمایت کرتی ہے۔میڈیا کے نمائندوں سے بات کرتے ہوئے انہوں نے کہا کہ کانگریس نے اس مسئلہ کی سخت ترین الفاظ میں مذمت کی ہے اور ان کے موقف میں کوئی اگر یا مگر نہیں ہے۔انہوں نے مزید کہا کہ راہول گاندھی نے جو کچھ بھی کہا اس کی پوری قوم نے حمایت کی اور کانگریس بی جے پی حکومت کے ساتھ مضبوطی سے کھڑی ہے ۔ قرہ نے کہا کہ ان کے ریمارکس کی غلط تشریح کی جا رہی ہے اور انہوں نے صرف وہی بات دہرائی ہے جو راہول گاندھی نے کہی تھی۔انہوں نے مزید کہا کہ جنگوں نے ہمیشہ ہندوستان اور پاکستان دونوں ممالک میں تباہی لائی ہے اور واضح کیا کہ انہوں نے بات چیت کی بات نہیں کی۔انہوں نے مزید کہا کہ کانگریس پارٹی حکومت ہند کی طرف سے جو بھی اقدام مناسب سمجھے اس کی مکمل حمایت کرتی ہے اور وہ اس معاملے پر متحد ہیں۔
