وزیر ٹرانسپورٹ نے جے کے آر ٹی سی بسوں پرجاری پابندیوں کا نوٹس لیا

جموں//جے کے آر ٹی سی کی بسوں کو سرینگر شہر میں داخل ہونے سے روکنے پر جاری پابندیوں کا نوٹس لیتے ہوئے وزیر ٹرانسپورٹ نے سیکرٹری ٹرانسپورٹ کو ہدایت دی کہ وہ اس معالمے کو فوری طور پر حل کرنے کیلئے متعلقہ حکام کے ساتھ اٹھاٗئیں ۔ وزیر موصوف نے زور دے کر کہا کہ شہر میں جے کے آر ٹی سی بسوں پر پابندی سے مسافروں کو شدید تکلیف ہو رہی ہے کیونکہ شمالی سیکٹر کی بسوں کو بمنہ بائی پاس پر روکا جا رہا ہے ۔ وزیر موصوف نے اس بات پر زور دیا کہ پابندیاں ہٹانے سے مسافروں کیلئے مشکلات ختم ہو جائیں گی اور انہیں آسانی سے رسانی ملے گی ۔ انہوں نے اس بات پر بھی زور دیا کہ جے کے آر ٹی سی کی طرف سے فراہم کی جانے والی ٹرانسپورٹ کی سہولیات سب سے زیادہ سستی اور آسان ہیں اس کے علاوہ عام لوگوں /روزانہ کے مسافروں کو خاص طور پر ملازمین ، طلباء اور مریضوں کو سہولت ملے گی ۔ وزیر نے مزید زوردیا کہ حکومت عوام کو تمام سہولیات فراہم کرنے کیلئے پر عزم ہے اور جلد از جلد مسائل کو حل کرنے کیلئے فوری کارروائی کرے گی تا کہ انہیں کسی بھی قسم کی تکلیف کا سامنا نہ کرنا پڑے ۔