کابینی وزرأ نے دیوالی کے موقعہ پر لوگوں کو مبارک باد دی

سری نگر//کابینی وزرأ نے دیوالی کے موقعہ پر جموںوکشمیر کے لوگوں کو مُبارک باد دی ہے ۔وزرأ نے اُمید ظاہر کی کہ یہ مبارک موقعہ پرفرقہ وارانہ ہم آہنگی اور بھائی چارے کے بندھنوں کو مزید مضبوط کرے گا اور لوگوں کے لئے امن ، ترقی اور خوشحالی کا پیش خیمہ ثابت ہوگا۔ان وزرأمیں وزیر برائے سماجی بہبود، تعلیم، صحت و طبی تعلیم سکینہ مسعوداِیتو، جل شکتی، جنگلات ماحولیات اور قبائلی امور کے وزیر جاوید احمد رانا، وزیر برائے زرعی پیداوار، دیہی ترقی و پنچایتی راج جاوید احمد ڈار اور خوراک، شہری رسدات اور امورِ صارفین ، ٹرانسپورٹ، سائنس و ٹیکنالوجی کے وزیر ستیش شرما شامل ہیں۔اُنہوں نے اُمید ظاہر کی کہ دیوالی کا یہ تہوار خطے میں ترقی اور ہمہ جہت ترقی کی نوید لے آئے گا۔