ایڈیشنل ڈپٹی کمشنر کپواڑہ نے صحت سہولیات کا معائینہ کیا

کپواڑہ// ایڈیشنل ڈپٹی کمشنر کپواڑہ محمد رئوف رحمان نے آج ضلع کپواڑہ کے مختلف علاقوں کا دورہ کرکے صحت کی مختلف سہولیات کا جائزہ لیا۔اُنہوں نے اَپنے دورے کے دوران سب ڈسٹرکٹ ہسپتال کپواڑہ کا دورہ کیا اور طبی سہولیات اور مریضوں کی دیکھ دیکھ کی خدمات کی دستیابی کا معائینہ کیا۔ اُنہوں نے وارڈوں کابھی چکرلگایا اور مریضوں اور ڈاکٹروں سے بات چیت کی۔اِس موقعہ پر اُنہوں نے صحت اِداروں میں مریضوں کو بغیر کسی رُکاوٹ کے دیکھ دیکھ کی خدمات کو یقینی بنانے پر زور دیا تاکہ مریضوں کو کسی قسم کی تکلیف کا سامنا نہ کرنا پڑے۔اُنہوں نے ترہگام اور کرالپورہ تحصیلوں کا بھی دورہ کیا اور اُنہوں نے وہاں صحت سہولیات اور ضروری خدمات کی دستیابی کا معائینہ کیا۔