سکول سیفٹی اینڈ سیکورٹی کے بارے میں دو روزہ اورنٹیشن پروگرا م بارہمولہ میں اِختتام پذیر

بارہمولہ// محکمہ سکولی تعلیم بارہمولہ کے زیر اہتمام سکول کی حفاظت اور سیکورٹی کو بہتر بنانے کی سمت میں ایک اہم قدم کے طور پردو روزہ اورینٹیشن پروگرام آج اِختتام پذیر ہوا۔دورانِ پروگرام ضلع بارہمولہ کے 18 زونوں کے مختلف سرکاری سکولوں کے 40 اَساتذہ نے ماسٹر ٹرینروں کے طور پر تربیت حاصل کی جو بعد میں تقریبا 1,800 اَساتذہ کو اَپنے زون میں سیفٹی کونسلر اور فرسٹ ریسپانڈرز کے طور پر تربیت دیں گے۔پروگرام کی صدارت ضلع ترقیاتی کمشنر بارہمولہ منگا شیرپا نے کی اور اِس میں چیف ایجوکیشن آفیسر بارہمولہ بلبیر سنگھ رینہ کے علاوہ ضلع بھر کے مختلف سکولوں کے اساتذہ نے شرکت کی۔ٹریننگ میں سٹیٹ ڈیزاسٹر ریسپانس فنڈ، ہیلتھ، اور ریڈ کراس کی ایک خصوصی ٹیم شامل تھی جس نے حصہ لینے والے اساتذہ کو ہنگامی حالات کے دوران حفاظتی تیاری کی حکمت عملیوں کا مظاہرہ کیا۔تربیت میں سکول کی حفاظت اور سلامتی سے متعلق مختلف موضوعات پر ماہرین کی قیادت میں معلوماتی سیشن بھی شامل تھے۔ ان میں بچوں کی حفاظت کے اَقدامات، سائبر کرائمز، پی او سی ایس او ایکٹ کے بارے میں معلومات اور سکول کی حفاظت و سلامتی کو یقینی بنانے کے دیگر اہم پہلوؤں پر تبادلہ خیال شامل تھا۔دورانِ پروگرام ضلع ترقیاتی کمشنر نے خطاب کرتے ہوئے طلباء ور تمام شراکت داروں میں سکول کی حفاظت کی اہمیت کے بارے میں بیداری پیدا کرنے اور سکول بھر میں حفاظتی منصوبے بنانے کی ضرورت پر زور دیا۔اُنہوں نے تربیت مکمل کرنے والے اساتذہ میں سر ٹیفکیٹ تقسیم کرتے ہوئے اس بات پر زور دیا کہ وہ کسی بھی حفاظتی اور سلامتی کے مسائل کی نشاندہی اور ان سے نمٹنے کے ذریعے طلباء کے لئے سازگار تعلیمی ماحول کو یقینی بنانے میں اہم کردار ادا کریں گے۔