ہم نے جموں کشمیر کو ملک میں مکمل طورپر ضم کیا ، تین طلاق اور رام مندر جیسے مسائل حل کئے ۔ وزیر اعظم
سرینگر//وزیر اعظم نریندر مودی نے کہا ہے کہ ہم ملک پارلیمانتی انتخابات 400سے زائد سیٹیں جیتیں گے کیوں کہ ملک کے عوام نے مودی سرکار پر اپنا اعتماد جتایا ہے ۔ انہوںنے بتایا کہ ہم نے وہ کرکے دکھایا جس کی ہمت کانگریس نے 76سالوں میں نہیں دکھائی تھی ۔ وزیر اعظم نے بتایا کہ جموں کشمیر کو ملک میں مکمل طورپر ضم کردیا گیا ،رام مندر کی تعمیر اور تین طلاق جیسے مسائل حل کرکے ہم نے ملک میں شانیتی کا پیغام دیا ۔ مودی نے بتایا کہ لوگ کام کی بنیاد پر ووٹ دیتے ہیں اور ہم نے لوگوں کے حق میں کام کیا ہے ۔ خواتین کو چولہے سے نجات دلائی ، گھر گھر نل پہنچایا اور بے گھر لوگوں کے آشیانے تعمیر کرائے ۔ وائس آف انڈیا کے مطابق وزیر اعظم نریندر مودی نے جمعہ کو جھارکھنڈ کے دھنباد میں انتخابی بگل بجاتے ہوئے کہا کہ این ڈی اے آئندہ لوک سبھا انتخابات میں 400 سیٹیں جیت لے گی کیونکہ ملک مودی کی ضمانت پر بھروسہ کر رہا ہے۔انہوں نے اپوزیشن انڈیا بلاک پر ‘جل جیون مشن’ اور ‘آواس یوجنا’ اسکیموں کے نفاذ میں رکاوٹیں پیدا کرنے کا بھی الزام لگایا۔وزیر اعظم نے بتایا کہ ہم نے وہ کام کردکے دکھائے جو کانگریس اور دیگر جماعتوں نے 76برسوں کی حکومت میں نہیں کئے اور ایسا کرنے کی کسی نے ہمت نہیں دکھائی ۔ وزیر اعظم نے بتایا کہ دفعہ 370کاخاتمہ کرتے ہوئے ہم نے ملک کو ایک ودھان ایک پردھان اور ایک نشان فراہم کیا اور جموں کشمیر کوملک کے ساتھ مکمل طور پر ضم کیا ۔ انہوںنے بتایا کہ مسلم سماج کی خواتین کو تین طلاق سے نجات دلائی اور آج یہ خواتین اس ڈر سے بے خوف ہوکر زندگی گزاررہی ہیں۔ مودی نے مزید کہاکہ ہم نے ملک کی کروڑوں خواتین کو چولہے سے نجات دلاکر انہیں گیس سلینڈر مفت فراہم کرائے ہیں ۔ ہم نے غریبوں کے آشیانے تعمیرا کرائے اور رام مندر جیسے مسائل کو حل کیا ۔ انہوںنے بتایا کہ لوگ کام کی بنیاد پر ووٹ دیتے ہیں اور ہم نے ملک کیلئے کام کیا ۔ وزیر اعظم نے یہاں ایک عوامی جلسہ ’وجے سنکلپ مہارالی‘ سے خطاب کرتے ہوئے کہاکہ اب کی بار 400 پار (اس بار ہم 400 سے زیادہ سیٹیں جیتیں گے) آنے والے لوک سبھا انتخابات میں کیونکہ ملک مودی کی ضمانت پر بھروسہ کر رہا ہے۔ جہاں دوسروں سے تمام امیدیں ختم ہو جاتی ہیں، مودی کی ضمانت شروع ہو جاتی ہے۔انہوں نے کہا کہ سندھری فرٹیلائزر یونٹ اور نارتھ کرن پورہ پاور پروجیکٹ جیسے پلانٹس کی بحالی مودی کی گارنٹی کی تکمیل کی مثالیں ہیں۔جھارکھنڈ میں جے ایم ایم کی قیادت والے اتحاد پر سخت حملہ کرتے ہوئے مودی نے الزام لگایا کہ اس نے ریاست کو لوٹا ہے۔انہوںنے کہا کہ “میں نے نوٹوں کے اتنے بڑے بنڈل نہیں دیکھے جو جھارکھنڈ سے برآمد ہوئے ہوں…لوگوں سے جو بھی پیسہ لوٹا گیا ہے اسے واپس کیا جائے۔ یہ مودی کی ضمانت ہے۔پی ایم مودی نے کہا، “ریاست میں جے ایم ایم کی قیادت والی حکومت میں بھتہ خوری عروج پر ہے، اور خوشامد کی پالیسی دراندازی کا باعث بنی”۔انہوں نے ہندوستانی اتحاد پر بھی حملہ کرتے ہوئے کہا کہ اپوزیشن بلاک “ترقی مخالف اور عوام مخالف” ہے۔ دریں اثناء وزیراعظم نریندر مودی نے ریلویز، بجلی، کوئلے اور کیمیاوی کھادوں کے شعبوں میں، 35 ہزار 700 کروڑ روپے کی لاگت والے ترقیاتی پروجیکٹوں کا آغاز کیا ہے۔ وائس آف انڈیا کے مطابق وزیراعظم نریندر مودی نے آج دھنباد ضلعے میں سندری کے مقام سے، جھارکھنڈ میں 35 ہزار 700 کروڑ روپے کی لاگت والے کئی ترقیاتی پروجیکٹوں کا افتتاح کیا اور سنگ بنیاد رکھا۔ اِن پروجیکٹوں کا تعلق کیمیاوی کھاد، ریل، بجلی اور کوئلہ کے شعبوں سے ہے۔ جناب مودی نے یوریا کے شعبے میں خودکفالت حاصل کرنے میں، ہندوستان Urvarak & Rasayan لمیٹڈ کے Sindri کیمیاوی کھاد پلانٹ کو ملک کے نام وقف کیا۔ یہ پلانٹ 8 ہزار 900 کروڑ روپے سے زیادہ کی لاگت سے تیار کیا گیا ہے۔ وزیراعظم نے ریاست میں 17 ہزار600 کروڑ روپے سے زیادہ مالیت والے بہت سے ریل پروجیکٹوں کا بھی افتتاح کیا اور سنگ بنیاد رکھا۔ جناب مودی نے پروگرام کے دوران تین ریل گاڑیوں کو بھی جھنڈی دکھا کر روانہ کیا۔ اِن میں Deoghar-Dibrugarh، ٹاٹا نگر اور بادام پہر کے درمیان MEMU ٹرین اور Shivpur اسٹیشن سے چلنے والی مال بردار ٹرین شامل ہے۔ وزیراعظم نے جھارکھنڈ میں اہم بجلی پروجیکٹوں کو بھی ملک کے نام وقف کیا۔ دوپہر کے وقت وزیراعظم ایک عوامی پروگرام میں شرکت کریں گے، جہاں وہ آرام باغ، ہگلی، مغربی بنگال میں 7 ہزار 200 کروڑ روپے سے زیادہ لاگت والے کئی ترقیاتی پروجیکٹوں کا افتتاح کریں گے۔ ملک کے نام وقف کریں گے اور سنگ بنیاد رکھیں گے۔
