ہیرتھ کی تیاریاں جاری،تہوار روایتی رسومات کے ساتھ منایا جائے گا۔کشمیری پنڈت برادری
سرینگر///مہا شیو راتری ’’ہیرتھ ‘‘ جموںکشمیر میں 8مارچ کو ماناجارہا ہے جس کیلئے کشمیری پنڈوں کی جانب سے تیاریاں زوروںپر ہے اور اس تہوار کو کشمیری ثقافت کی اندرونی اور مثبت اقدار کے تحفظ کا تہوار بھی سمجھا جاتا ہے۔ وائس آف انڈیا کے مطابق مہاشیو راتری کا تہوار اس سال 8 مارچ کو منایا جانا ہے۔ اس بار مہا شیوراتری کو بہت خاص مانا جا رہا ہے، کیوں کہ اس بار مہاشیو راتری کے دن بہت سے اچھے یوگا بن رہے ہیں۔ جموں و کشمیر کے مندر میں اس کی تیاریاں زور و شور سے جاری ہیں۔مہاشیو راتری پر وادی کشمیر میں خصوصی تیاریاں دیکھی جا رہی ہیں۔ یہ کشمیری پنڈتوں کا سب سے بڑا تہوار سمجھا جاتا ہے۔ یہ ملک کے دیگر حصوں کی نسبت یہاں زیادہ دھوم دھام سے منایا جاتا ہے۔ کشمیری پنڈت اسے ‘ہیراتھ’ کے طور پر مناتے ہیں۔ لفظ ہیراتھ سنسکرت زبان سے لیا گیا ہے جس کا مطلب ہندی میں ہرراتری یا شیو راتری ہے۔ہیراتھ کو کشمیری ثقافت کی اندرونی اور مثبت اقدار کے تحفظ کا تہوار بھی سمجھا جاتا ہے۔ اس کے ساتھ یہ لوگوں کو جوڑنے میں بھی اہم کردار ادا کرتا ہے۔ ہم آپ کو بتاتے ہیں کہ مہاشیو راتری پر، کشمیری پنڈت اپنے گھروں میں بھگوان شیو اور ان کے خاندان کو قائم کرتے ہیں۔ ایسا مانا جاتا ہے کہ ایسا کرنے سے وٹکناتھ گھروں میں مہمان بن کر رہتے ہیں۔ اسے منانے کی تیاریاں تقریباً ایک ماہ پہلے سے شروع ہو جاتی ہیں۔اس تہوار کے دن پوجا میں استعمال ہونے والے برتنوں کو بطور علامت استعمال کیا جاتا ہے۔ دستیابی کے مطابق کئی گھروں میں پیتل کے پرانے برتن استعمال ہوتے ہیں۔ اس پوجا میں اور گھر میں تیار کیے جانے والے پکوانوں میں کمل ککڑی اور بند گوبھی بہت اہم ہیں۔ جموں و کشمیر میں اسے مونجی اور نادرو کے نام سے جانا جاتا ہے۔کشمیری پنڈت، مہاشیو راتری پر تمام روایات پر عمل پیرا ہیں۔ ملک بھر میں آباد کشمیری پنڈتوں کا کہنا ہے کہ وہ اب بھی اس روایت پر عمل پیرا ہیں۔ یہ کشمیریت اور انسانیت کا حسن ہے۔ وہ شیو راتری پر بھگوان بھیرو کی پوجا بھی کرتے ہیں۔ بھگوان بھیرو کو گوشت اور مچھلی پیش کرنے کی روایت ہے، جس کی وہ پیروی کر رہے ہیں۔ روایت کے مطابق سبزی سے بنا کھانا بھی پیش کیا جاتا ہے۔ اس میں پانچ سے چھ قسم کی سبزیاں ہوتی ہیں۔ رات کو پوجا کرنے کے بعد پرساد لیا جاتا ہے۔جموں شہر کے رگھوناتھ مندر، پیر کھو غار مندر، رنبیریشور مندر، ریاسی کے شیو کھوڈی مندر اور چنینی کے سدھ مہادیو مندر میں خصوصی تیاریاں کی جا رہی ہیں۔ تاریخی شنکراچاریہ مندر کے علاوہ سری نگر کے ہنومان مندر اور گنپتیار مندر، اننت ناگ کے مارتنڈ سن مندر اور گاندربل کے کھیر بھوانی مندر کو خصوصی طور پر سجایا جا رہا ہے۔
