سری نگر میونسپل کارپوریشن نے تارہ بل میں ’ وِکست بھارت سنکلپ یاترا ‘ کیمپ کا اِنعقاد کیا

سری نگر// سری نگر میونسپل کارپوریشن کے زیر اہتمام’ وِکست بھارت سنکلپ یاترا‘ کیمپ نے آج گورنمنٹ ہائی سکول نروارہ کے تارہ بل میں تقریبات کی میزبانی کر کے اَپنی رَسائی بڑھائی ۔ یہ اِجتماعات مختلف محکموں کے اَفسران اور ملازمین کے لئے ایک پلیٹ فارم کے طور پر کام کرتے ہیں تاکہ وہ مقامی کمیونٹی کے ساتھ مشغول ہو سکیں، تعاون اور علم کے تبادلے کے ماحول کو فروغ دیں۔مختلف محکموں کے نمائندوں نے اَپنی متعلقہ سکیموں کے بنیادی اہداف اور طریقہ کار کی تفصیلات کو واضح کیا جس کا مقصد معلومات کے فرق کو پُر کرنا اور اِس بات کو یقینی بنانا ہے کہ شہری ان کے لئے دستیاب بے شمار فوائد اور مدد سے آگاہ ہوں۔