چیئر مین ڈی ڈی سی بڈگام اور ایپل فارمر ز فیڈریشن کے وفد کی لیفٹیننٹ گورنر سے ملاقات

سری نگر//چیئرمین ضلع ترقیاتی کونسل بڈگام نذیر احمد خان نے آج راج بھون میں لیفٹیننٹ گورنر منوج سِنہا سے ملاقات کی۔چیئر مین ڈی ڈی سی نے بڈگام ضلع میں شروع کئے جانے والے جامع ترقیاتی اَقدامات کے لئے لیفٹیننٹ گورنر کا شکریہ اَدا کیا۔سابق رُکن اسمبلی پہلگام رفیع احمد میر بھی لیفٹیننٹ گورنر سے ملاقی ہوئے اور علاقے کے مختلف ترقیاتی اَمور پر تبادلہ خیال کیا۔اپیل فارمر ز فیڈریشن آف اِنڈیا کے جے اینڈ کے کمیٹی کے صدر ظہور احمد راتھر کی قیادت میں ایک وفد نے لیفٹیننٹ گورنر سے ملاقات کی او راَپنے مسائل سے آگاہ کیا۔ جموںوکشمیر کے نیشنل ایوارڈ یافتہ اَساتذہ ولی محمد بٹ کی قیادت میں ایک وفد نے لیفٹیننٹ گورنر سے ملاقات کی اور نیشنل ایوارڈ یافتہ اَساتذہ کے مسائل کو پیش کیا۔بعد اَزاں ، چیئرپرسن بی ڈی سی سوپور ڈاکٹر فریدہ خان نے بھی لیفٹیننٹ گورنر سے ملاقات کی اور اَپنے علاقے کے عوامی اہمیت کے مسائل پر تبادلہ خیال کیا۔لیفٹیننٹ گورنر نے عوامی نمائندوں اور وفود کے اَرکان کے ساتھ گفتگو کے دوران اُنہیں ملاقات کے دوران پیش کئے گئے تمام مسائل اور مطالبات پر مناسب کارروائی کا یقین دِلایا۔