زیادہ سے زیادہ مسلم مرد اور خواتین کو حج پر جانے کا موقع فراہم کیا جارہاہے

رواں برس 4,000 ہندوستانی خواتین نے بغیر محرم کے حج کیا، یہ بہت بڑی تبدیلی ہے، وزیراعظم

سرینگر//وزیر اعظم نریندر مودی نے اتوار کو کہا کہ اس سال 4,000 سے زیادہ مسلم خواتین کا ‘محرم’ کے بغیر حج کرنا ایک “بڑی تبدیلی” تھی اور زور دے کر کہا کہ زیادہ سے زیادہ لوگوں کو سالانہ حج پر جانے کا موقع مل رہا ہے۔ گزشتہ چند سالوں میں ان کی حکومت کی جانب سے حج پالیسی میں کی گئی تبدیلیاںلائی گئیں ہیں۔ سی این آئی کے مطابق وزیر اعظم مود ی نے کہا ہے کہ اس سال 4,000 سے زیادہ ہندوستانی خواتین نے ‘محرم’ کے بغیر حج کیا، 2018 میں اس اصلاحات کے بعد سب سے بڑا ہے جس نے حج پر خواتین کے ساتھ مرد ساتھی کی مجبوری کو ختم کیا تھا۔اپنے ماہانہ من کی بات ریڈیو نشریات میں مودی نے کہا کہ انہیں اس بار بڑی تعداد میں ان مسلم خواتین کے خط موصول ہوئے ہیں جو حال ہی میں حج سے واپس آئی ہیں۔ان کا یہ سفر کئی لحاظ سے بہت خاص ہے۔ یہ وہ خواتین ہیں جنہوں نے بغیر کسی مرد ساتھی یا محرم کے حج کیا اور ان کی تعداد 50 یا 100 نہیں بلکہ 4000 سے زیادہ ہے۔ یہ ایک بہت بڑی تبدیلی ہے۔مودی نے کہا کہ اس سے پہلے مسلم خواتین کو محرم کے بغیر حج کرنے کی اجازت نہیں تھی۔انہوں نے کہا کہ من کی بات کے ذریعے میں سعودی عرب کی حکومت کا بھی تہہ دل سے شکریہ ادا کرتا ہوں۔وزیر اعظم نے کہا کہ خواتین کوآرڈینیٹرز کو خصوصی طور پر خواتین کے لیے مقرر کیا گیا تھا جو ’محرم‘ کے بغیر حج پر جانے والی ہیں، انہوں نے مزید کہا کہ گزشتہ چند سالوں میں حج پالیسی میں جو تبدیلیاں کی گئی ہیں انہیں بہت سراہا جا رہا ہے۔’’ہماری مسلمان ماؤں اور بہنوں نے مجھے اس بارے میں بہت کچھ لکھا ہے۔ اب زیادہ سے زیادہ لوگوں کو ’حج‘ پر جانے کا موقع مل رہا ہے۔ مودی نے کہا کہ حج سے واپس آنے والے لوگوں، خاص طور پر ہماری ماؤں اور بہنوں نے اپنے خطوط کے ذریعے جو نعمت دی ہے، وہ اپنے آپ میں بہت متاثر کن ہے۔ان کا یہ تبصرہ بی جے پی کے اس دعوے کے درمیان آیا ہے کہ مودی حکومت نے مسلم خواتین کو بااختیار بنانے کے لیے مختلف اقدامات کیے ہیں جن میں تین طلاق پر پابندی کا قانون لانا بھی شامل ہے۔اس سال کے لیے ہندوستان کو 1,75,025 عازمین حج کا کوٹہ مختص کیا گیا تھا۔ سالانہ یاترا جون کے آخر میں ہوئی تھی۔