جموں//کمشنر سیکرٹری دیہی ترقی اور پنچائتی راج مندیپ کور جو پنچایت سیری خواجہ کی پربھاری آفیسر بھی ہیں ، نے آج پونچھ ضلع کے لسانہ بلاک کے سیری خواجہ میں زرعی ترقیاتی پروگرام کے تحت کسان سمپرک ابھیان کا عملی طور پر افتتاح کیا جو 3 مئی 2023 تک چلے گا ۔ پنچائت کے تمام کسانوں سے اس 3 روزہ پروگرام میں شرکت کی توقع ہے ۔ کسان سمپرک ابھیان کے تحت کھیتی کو مزید قابل رسائی ، منافع بخش بنانے کی کوشش میں ، کسانوں کی واقفیت ، تمام مداخلتوں کیلئے ہنر مند کورسز پر توجہ مرکوز کی گئی تا کہ یہ یقینی بنایا جا سکے کہ پیچیدہ منصوبہ نچلی سطح تک پہنچ جائے اور کسانوں کو نئے چیلنجوں کا مقابلہ کرنے اور امکانات تلاش کرنے کے لئے تیار کیا جا سکے ۔ اس پروگرام کا بنیادی مقصد کسانوں ، سیلف ہیلپ گروپس ، کواپریٹو کے درمیان زرعی مارکیٹنگ کے نظام کو مضبوط بنانے کے بارے میں بیداری پیدا کرنا ہے تا کہ تجارتی بنیادوں پر دواؤں کے خوشبودار پودوں کو فروغ دیا جائے ، مچھلی اور ٹراؤٹ پیداوار ، تجارتی پھولوں کی زراعت کا فروغ ، چارے کے وسائل کی ترقی ، نامیاتی کھیتی ، سال بھر مشروم کی کاشت جس کا حتمی مقصد کسانوں کی آمدنی میں اضافہ کرنے کے علاوہ پی ایم کے ایس وائی ، پی ایم کسان ، کے سی سی ، نیشنل لائیو سٹاک مشن ، پی ایم کے ایم وائی اسکیموں وغیرہ کی وضاحت کرنا ہے ۔ زراعت اور متعلقہ محکموں کے ریسورس پرسنز نے کاشتکاروں کو جدید آلات اور تکنیکوں کے بارے میں بتایا جو ایچ اے ڈی پی کے 27 منصوبوں سمیت تمام 45 منصوبوں میں شامل کئے گئے ہیں تا کہ موجودہ رکاوٹوں کو دور کیا جا سکے اور کاشتکاروں کو منظور شدہ مجوزہ مداخلتوں کو اپنانے کی ترغیب دینے کیلئے مختلف توسیعی طریقوں کا استعمال کیا جا سکے ۔ اس تقریب میں بی ڈی سی کی چئیر پرسن لسانہ نور جہاں ، سرپنچ سری خواجہ ، اے سی ڈی پونچھ ، ڈی اے او ای ، ایس ڈی اے او اور زراعت اور متعلقہ محکموں کے ریسورس پرسنز نے شرکت کی ۔
