دیہی ۔ شہری شراکت داری پر توجہ مرکوز کرتے ہوئے مضبوط ماحولیاتی نظام بنانا ہے
سرینگر// جموں و کشمیر حکومت نے بجٹ 2023-24 میں 7097 کروڑ روپے کی خاطر خواہ فنڈنگ مختص کی ہے تا کہ شہروں کیلئے ایک مضبوط ماحولیاتی نظام تیار کیا جا سکے جس میں شہری ۔ دیہی شراکت داری ، مارکیٹ اور کاروبار کے مواقع کو بڑھانے ، روز گار کے مواقع پیدا کرنے ، تعلیمی نظام میں خلاء کو پُر کرنے اور یونین ٹیر ٹری کے دیہی اور شہری علاقوں میں پائیدار اقتصادی ترقی کو یقینی بنانے پر توجہ دی جائے ۔ پنچائت ترقیاتی اشاریہ کا نفاذ نئے منظور شدہ خواہش مند پنچائت ترقیاتی پروگرام ( اے پی ڈی پی ) کے تحت پنچائتوں کے سماجی و اقتصادی موضوعات میں بہتری لانے والے بہترین طریقوں کو تیار کرنے اور نقل کرنے میں مدد کرتا ہے ۔ ایک عہدیدار نے بتایا کہ شناخت شدہ پنچائتوں کو شامل ترقیاتی اسکیموں کو سیر کرنے پر خصوصی توجہ دی جاتی ہے جو ماڈل پنچائتوں کے طور پر کام کریں گی ۔ انہوں نے مزید کہا کہ جموں و کشمیر حکومت نے اے پی ڈی پی کے تحت سب سے پسماندہ 285 پنچائتوں ( فی بلاک میں ایک پنچایت ) کو مجموعی ترقی کیلئے منتخب کیا ہے ۔ جموں و کشمیر میونسپل ڈیولپمنٹ انڈیکس 2022 یو ٹی کے مختلف میونسپلٹیوں /قصبوں کی کارکردگی اور ترقی کی سطح کی درجہ بندی ، تشخیص اور تجزیہ کرنے میں مدد کرتا ہے ۔ شہری اصلاحاتی ترغیبی فنڈ کا مقصد جموں اور کشمیر میونسپل ڈیولپمنٹ انڈیکس 2022 کے تحت مقرر کردہ معیارات کے مطابق کارکردگی کی بنیاد پر یو ٹی کے یو ایل بیز کو اصلاحات سے منسلک امداد فراہم کرنا ہے ۔ بجٹ میں تمام دیہاتوں اور یو ایل بی کو کھلے میں رفع حاجت سے پاک پلس اسٹیٹس ( او ڈی ایف پلس ) کا اعلان کرنے کیلئے بھی مختص کیا گیا ہے ۔ قابل ذکر بات یہ ہے کہ جموں ڈویژن کی میونسپل کونسلوں اور میونسپل کمیٹیوں سمیت متعدد میونسپل باڈیز نے خود کو کھلے میں رفع حاجت سے پاک پلس اسٹیٹس کے طور پر تمام ضابطوں کی تعمیل کرنے اور سوچھ بھارت مشن کے اصولوں کے مطابق میونسپل حدود میں ہونے والی ترقی کا اعلان کیا ہے ۔ ’’ ہر گاؤں ایک امرت سروور ‘‘ کے اقدام کے تحت 4041 امرت سرووروں کی نشاندہی کی گئی ہے جن میں سے 2420 مکمل ہو چکے ہیں اور باقی 15 اگست 2023 سے پہلے مکمل ہو جائیں گے ۔ راجدھانی کے شہروں جموں اور کشمیر میں ایلیویٹیڈ لائٹ میٹرو ریل کا خواب اس سال کے بجٹ میں زیر غور ہے ۔ حکومت نے جموں اور سرینگر میں اقتصادی طور پر کمزور طبقوں /کم آمدنی والے گروپ /درمیانی آمدنی والے گروپ کیلئے نئی ٹاؤن شپ اور ہاوسنگ کالونیوں کیلئے بھی فنڈز مختص کئے ہیں ۔ خواتین کاروباریوں کی مصنوعات کی مارکیٹنگ کو بااختیار بنانے اور سہولت فراہم کرنے کیلئے حکومت جموں ، سرینگر اور دیگر بڑے قصبوں میں لیڈیز ہاٹ اور لیڈیز ایکسکلوسیو مارکٹس قائم کرے گی اور اس کے علاوہ ایکتا مالز بھی بنائے گی ۔ دریں اثنا سرحدی علاقوں کی ترقی کیلئے سمردھ سیما یوجنا کیلئے 50 کروڑ روپے مختص کئے گئے ہیں ۔ روز گار کے مواقع فراہم کرنے اور نوجوانوں کو اپنے ادارے قائم کرنے کیلئے 2023-24 کے بجٹ کے ساتھ مزید 10000 ایس ایچ جیز بنائے جائیں گے ۔
