رقم کا بڑا حصہ، 1,27,756.74 کروڑ روپے، سنٹرل آرمڈ پولیس فورسز CAPFکے نام
سوپور//ملک کی داخلی سلامتی کی ترجیحات کے بارے میں واضح پیغام بھیجتے ہوئے مودی حکومت نے بدھ کے روز مرکزی مسلح پولیس فورس جیسے سی آر پی ایف پر اخراجات کی اکثریت کے ساتھ وزارت داخلہ کو 1.96 لاکھ کروڑ روپے مختص کئے ہیں۔جے کے این ایس مانٹرینگ ڈیسک کے مطابق مرکزی وزیر داخلہ امیت شاہ کی زیر قیادت وزارت داخلہ کے لئے2023-24 کا بجٹ مختص 1,96,034.94 کروڑ روپے ہے۔ بجٹ 2022-23میں 1,85,776.55 کروڑ روپے رکھے گئے تھے۔بین الاقوامی سرحد پر انفراسٹرکچر کو بہتر بنانے، پولیس کے انفراسٹرکچر اور پولیس فورسز کی جدید کاری کے لیے بھی کافی رقم مختص کی گئی ہے۔وزیر خزانہ نرملا سیتا رمن نے بدھ کو لوک سبھا میں2023-24 کا مرکزی بجٹ پیش کیا۔ وزارت داخلہ کی رقم کا بڑا حصہ، 1,27,756.74 کروڑ روپے، سنٹرل آرمڈ پولیس فورسز کو مختص کیا گیا ہے۔سینٹرل آرمڈ پولیس فورسزمیں، مرکزی ریزرو پولیس فورس (CRPF)، جو زیادہ تر جموں و کشمیر میں داخلی سلامتی کے فرائض اور عسکریت پسندی سے لڑنے کے لئے ذمہ دار ہے، کو 31,772.23 کروڑ روپے مختص کیے گئے ہیں۔بارڈر سیکیورٹی فورس (بی ایس ایف)، جو پاکستان اور بنگلہ دیش کے ساتھ ہندوستان کی سرحد کی حفاظت کرتی ہے اس کے علاوہ داخلی سلامتی کے کاموں کو بھی سنبھالتی ہے، کو رواں مالی سال2023-24 میں 24,771.28 کروڑ روپے دیے گئے ہیں۔سنٹرل انڈسٹریل سیکورٹی فورس (سی آئی ایس ایف)، جو اہم تنصیبات جیسے نیوکلیئر پروجیکٹس، ہوائی اڈوں اور میٹرو نیٹ ورکس کی حفاظت کرتی ہے، کو13,214.68 کروڑ روپے دیے گئے ہیں۔نیپال اور بھوٹان کے ساتھ ہندوستان کی سرحدوں کی حفاظت کرنے والے شاستر سیما بال (SSB) کو 8,329.10 کروڑ روپے مختص کیے گئے ہیں۔ہندتبت سرحدی پولیس (آئی ٹی بی پی)، جو چین-ہندوستان سرحد کی حفاظت کرتی ہے، کو 8,096.89 کروڑ روپے ملے۔آسام رائفلز، جو ہندوستان-میانمار سرحد کے ساتھ اور شمال مشرق میں شورش مخالف فرائض کے لیے تعینات ہے، کو 7,052.46 کروڑ روپے مختص کیے گئے ہیں۔نیشنل سیکورٹی گارڈ (NSG)، ایلیٹ کمانڈو فورس جو کہ کسی بھی ہنگامی سیکورٹی صورتحال سے نمٹنے کے لیے ہے، کو1,286.54 کروڑ روپے مختص کیے گئے ہیں۔انٹیلی جنس بیورو کو 3,418.32 کروڑ روپے دیئے گئے ہیں۔اسپیشل پروٹیکشن گروپ (ایس پی جی)، جو وزیر اعظم کی حفاظت کرتا ہے، کو 433.59 کروڑ روپے مختص کیے گئے ہیں۔دہلی پولیس کو11,662.03 کروڑ روپے مختص کیے گئے ہیں۔موجودہ مالی سال میںسرحدی بنیادی ڈھانچے جیسے سڑکوں اور پلوں کی تعمیر کے لیے 3,545.03 کروڑ روپے مختص کیے گئے ہیں۔ پولیس کے بنیادی ڈھانچے کی ترقی کے لیے 3636.66 کروڑ روپے دیے گئے ہیں۔ملک میں پولیس فورس کو جدید بنانے کے لیے بجٹ میں 2023-24 میں 3,750 کروڑ روپے مختص کیے گئے تھے۔رواں مالی سال میں دیے گئے 2,024.54 کروڑ روپے کے مقابلے میں سیکیورٹی سے متعلق اخراجات کے لیے 2780.88 کروڑ روپے مختص کیے گئے ہیں۔بجٹ میں مردم شماری سے متعلق کاموں کے لیے 1,564.65 کروڑ روپے، خواتین کی حفاظت کی اسکیموں کے لیے 1100 کروڑ روپے، فرانزک صلاحیتوں کو جدید بنانے کے لیے 700 کروڑ روپے، سرحدی چیک پوسٹوں کی دیکھ بھال کے لیے 350.61 کروڑ روپے اور سینٹرل آرمڈ سیکورٹی فورسز کے لیے جدید کاری پلانIV کے لیے 202.27 کروڑ روپے مختص کیے گئے ہیں۔
