پولیس مجرمانہ سرگرمیوں میں ملوث افراد کے خلاف سخت کارروائی کرنے کے لیے پرعزم
سرینگر //وسطی ضلع بڈگام میں پولیس نے ہٹ اینڈ رن کیس کا معاملہ حل کیا جس میں 03 ملزم کو گرفتار کیا گیا ۔ کشمیر نیوز سروس کو پولیس نے بتایا مورخہ 15جولائی 2022 کو پولیس اسٹیشن خانصاب کو ایک اطلاع موصول ہوئی کہ موٹر سائیکل زیر نمبر PB09M-2124 جس کو محمد اسماعیل لون ولد ارشاد احمد لون چلا رہا تھاجس پر02 سواروں کے ہمراہ جن کی شناخت محمد یوسف لون ولد منظور احمد لون اور مشتاق احمد لون ولد غلام قادر لون ساکنان ستراں کھاگ کوجامعہ مسجد آریزل کے قریب نامعلوم گاڑی کی زد میں آ گئے جہاں پر ڈرائیور گاڑی سمیت موقع سے فرار ہو گئے۔دریں اثنا، زخمیوں کو مزید علاج معالجہ کے لیے ایس ایم ایچ ایس اسپتال سری نگر منتقل کیا گیا۔جہاں پر محمد یوسف اور محمد اسماعیل نامی 02 زخمی زخموں کی تاب نہ لاتے ہوئے دم توڑ گئے۔اسی سلسلے میں تھانہ خانصاحب میںمتعلقہ دفعات کے تحت ایف آئی آر نمبر 119/2022کودرج کیا گیا اور تحقیقات شروع کی گئی۔تفتیش کے دوران تفتیشی ٹیم نے جرم میں ملوث ڈرائیور کی شناخت اور گرفتاری کے لیے تمام تر کوششیں بروئے کار لائیں اور مختلف مشتبہ افراد کو پوچھ گچھ کے لیے طلب کیا۔ سخت کوششوں کے بعد، پولیس ٹیم نے ایک مشتبہ گاڑی زیر نمبر JK04A-0678، کو اریزال گاؤں کے زرعی کھیت سے برآمد کیا۔ واضح رہے کہ اس سے قبل وقوعہ کے وقت پریذیڈنٹ سومو اسٹینڈ ایریزل فیاض احمد وار اور گاڑی کے مالک کے بھائی معراج احمد خان نے ایک ارشاد احمد خان ولد عبدالرشید خان ساکن چیک مرگ ہرڈپنزو کو پولیس اسٹیشن خانصاحب کے سامنے پیش کیا اور دعویٰ کیا کہ وہ گاڑی کا ڈرائیور ہے۔ تاہم پوچھ گچھ کے دوران یہ بات سامنے آئی کہ ایک شکیل احمد خان ولد عبدالرشید خان ساکن چیک مارگ ہرڈپنزو (جس کے پاس ڈرائیونگ لائسنس نہیں ہے) واقعہ کے وقت گاڑی چلا رہا تھاجواصل میں صدر سومو اسٹینڈ کے تیار کردہ ڈرائیور کا بھائی اور گاڑی کے مالک کا بھائی ہوتا ہے۔ تینوں نے اصل ڈرائیور کو ڈرائیونگ لائسنس نہ ہونے کی وجہ سے قانونی کارروائی سے بچانے کی سازش رچی تھی۔گاڑی کے ڈرائیور، دو دھوکہ باز اور نقالی کرنے والے ڈرائیور کے خلاف متعلقہ دفعات کے تحت فوری ہٹ اینڈ رن کیس میں مقدمہ درج کرکے گرفتار کیا گیا ہے۔ ہماری کوششوں سے کمیونٹی کے اراکین کو یقین دلانا چاہیے کہ پولیس مجرمانہ سرگرمیوں میں ملوث افراد کے خلاف سخت کارروائی کرنے کے لیے پرعزم ہے۔
