سری نگر//نیشنل ہیومن رائٹس کمیشن (NHRC) نے منگل کو جموں و کشمیر انتظامیہ کو ہدایت دی کہ وہ سپریم کورٹ کے ایک وکیل کی طرف سے دائر کی گئی شکایت پر مناسب کارروائی کرے جس میں 4 شہریوں کے خاندانوں کو معاوضہ/ نقصانات فراہم کرنے کی ہدایت مانگی گئی تھی۔قومی حقوق انسانی کمیشن نے حکام کو یہ بھی ہدایت کی کہ وہ یونین ٹیریٹری میں اقلیتی ہندواورسکھ برادریوں کو مناسب پولیس تحفظ فراہم کرے۔ جے کے این ایس کے مطابق نیشنل ہیومن رائٹس کمیشن نے منگل کو شکایت کنندہ کے ساتھ بات چیت کی جس میں کہا گیا ہے کہ شکایت متعلقہ اتھارٹی کو اس طرح کی کارروائی کیلئے بھیجی جائے جو مناسب سمجھی جائے۔ متعلقہ اتھارٹی کو ہدایت کی گئی ہے کہ وہ شکایت کنندہ/متاثرین کو جوڑتے ہوئے 8 ہفتوں کے اندر مناسب کارروائی کرے اور اسے اس معاملے میں کی گئی کارروائی سے آگاہ کرے۔شکایت کنندہ آلکھ الوک سریواستو، ایڈوکیٹ آن ریکارڈ سپریم کورٹ نینیشنل ہیومن رائٹس کمیشن کی تعمیل میں کمیشن سے جموں وکشمیر ’’ٹارگٹ کلنگ اور اقلیتوں کی دل دہلا دینے والی حالتِ زار‘‘ کے تئیں رضامندی کا مطالبہ کیا۔شکایت اکتوبر2021 میں عدالت میں چلی گئی اور کہا گیا کہ کشمیر میں ٹارگٹ کلنگ میں اقلیتی ہند ئواورسکھ برادریوں سے تعلق رکھنے والے چار معصوم شہریوں کو بے دردی سے قتل کیا گیا۔انہوں نے5 اکتوبر 2021 کو مکھن لال بندرو اور وریندر پاسوان کے قتل کے واقعات کا ذکر کیا ہے اور ستیندر کور اور دیپک چند کو 7 اکتوبر 2021 کو قتل کیا گیا تھا۔ایڈووکیٹ آلکھ الوک سریواستو نے شکایت میں کہا کہ ٹارگٹ کلنگ نے کشمیر کے اقلیتی ہندو اور سکھ باشندوں میں شدید اذیت اور خوف و ہراس پھیلا دیا ہے، جس کے نتیجے میں کشمیر سے ہندوؤں اور سکھوں کے اخراج کی ایک نئی لہر شروع ہوئی ہے، جو1990 کی دہائی میں کشمیر میں دہشت گردی کے آغاز کے بعد سے دیکھا جا رہا ہے۔انہوں نے کہا کہ دوسری صورت میں بھی جموں و کشمیر کی سکھ اور ہندو اقلیتیں مسلسل خوف اور عدم تحفظ کی زندگی گزار رہی ہیں جو کہ ان کے زندگی، آزادی، مساوات اور وقار سے متعلق حقوق کی صریح خلاف ورزی ہے۔وکیل نے شکایت میں کہاکہ مذکورہ بالا انسانی حقوق کی خلاف ورزیاں، دوسری باتوں کے ساتھ، جموں و کشمیر انتظامیہ کی کشمیر کے ہندو اور سکھ اقلیتی باشندوں کے تحفظ میں لاپرواہی اور ناکامی سے منسوب ہیں۔انہوں نے اقلیتی ہندو اور کشمیر کے سکھ باشندے کے انسانی حقوق کے تحفظ کے لئے مناسب اقدامات کا مطالبہ کیا۔شکایت کنندہ آلکھ الوک سریواستو،نے کمیشن پر زور دیا کہ وہ جموں و کشمیر کے مرکز کے زیر انتظام علاقے کے لیفٹیننٹ گورنرسے انسانی حقوق کی کھلم کھلا خلاف ورزی، ٹارگٹ کلنگ اور کشمیر کے اقلیتی ہندو اور سکھ باشندوں کے اخراج کے بارے میں ایک جامع رپورٹ طلب کرے، جس میںتفصیلی وجوہات بھی شامل ہیں۔ اس طرح کی خلاف ورزیوں کی روک تھام میں حکام کی جانب سے غفلت اور اس سلسلے میںمجوزہ تدارکاتی کارروائی کی تفصیلات ہوں۔ایڈوکیٹ سریواستو نے نیشنل ہیومن رائٹس کمیشنپر زور دیا تھا کہ وہ جموں اور کشمیر کے مرکز کے زیر انتظام علاقے کے لیفٹیننٹ گورنر کوکشمیر کے ہندو اور سکھ باشندوں کو مناسب پولیس تحفظ فراہم کرنے اور جموں و کشمیر کے مرکز کے زیر انتظام علاقے کے لیفٹیننٹ گورنر کو ہدایت کرنے کی ہدایت کرے۔ کشمیر میں ٹارگٹ کلنگ میں بے دردی سے مارے گئے مذکورہ مرنے والے افراد کے لواحقین کو ہر ایک کو ایک کروڑ روپے کا معاوضہ/ ہرجانہ فراہم کیا جائے۔
