سرینگر /جنوبی کشمیر ضلع سوشوپیان کے متعدد مضافاتی علاقوں میں لوگ بنیادی سہولیات سے محروم ہیں ۔جبکہ ان علاقوں کی سڑکیں ویرانی کی کہانیاں بیان کررہی ہیں ۔نمائندہ نے کشمیر پریس سروس کو تفصیلات فراہم کرتے ہوئے بتایا کہ ضلع کے بیشترمضافاتی علاقے اور پہاڑی دیہات بشمول گتی پورہ سنی مرگ ،دیو چھانگ پورہ سرکاری نظروں سے بالکل اوجھل ہیں کیونکہ ان علاقوں ودیہات میں رہائش پذیر لوگ بنیادی سہولیات سے محروم ہیں اور اس علاقہ میں سڑکیں ویران ہیں جس سے لوگوں کا عبورومرور مشکل بن گیا ہے اور اس علاقے میں بیشتر اوقات گھپ اندھیرا چھایا رہتا ہے ۔مقامی لوگوں نے نمائندے کے ساتھ بات کرتے ہوئے کہا کہ اکیسویں صدی کے اس ترقی یافتہ دور میں بھی ان علاقوں کی سڑکیں کچی ہیں اور بجلی سے ان کو محروم رکھا گیا ہے ۔انہوں نے کہا کہ مذکورہ علاقوں یا دیہات کے لوگوں کو دوسرے علاقوں میں جانے کیلئے کافی مسافت پیدل طے کرنی پڑتی ہے کیونکہ سڑکیں اتنی خستہ حال ہیں کہ ان پر گاڑیاں چلانا محال ہی نہیںبلکہ ناممکن ہے ۔انہوں نے کہا کہ بجلی کی ترسیل نہ ہونے کے برابر ہیں لیکن بجلی کا نظام ہی ناقص ہے اور ان کو بجلی کی سپلائی سے محروم رکھا جاتا ہے اور وہ گھپ اندھیرے میں دن گذاری کرتے ہیں ۔اس سلسلے میں انہوں نے حکام سے مطالبہ کرتے ہوئے کہا کہ مذکورہ ضلع کے ان پسماندہ اور خستہ حال علاقوں ودیہات میں بنیادی سہولیات بالخصوص سڑکوں کی تجدید ومرمت اور بجلی کی فراہمی کو یقینی بنانے کیلئے فوری اقدامات اٹھائے جائیں تاکہ لوگوں کے مشکلات کاازالہ ہوسکے ۔
