چیف الیکشن کمشنر سے استعفے کا مطالبہ
سرینگر// یو این ایس / انڈیا بلاک میں شامل سیاسی جماعتوں نے ہفتہ کو سری نگر اور گاندربل میں احتجاجی مظاہرے کیے اور چیف الیکشن کمشنر گیانیش کمار سے استعفے کا مطالبہ کیا۔ مظاہرین نے انتخابی فہرستوں سے مبینہ طور پر ووٹروں کے نام حذف کیے جانے کے معاملے کی شفاف تحقیقات کا بھی مطالبہ کیا۔سری نگر میں اپوزیشن جماعتوں کے رہنماو ¿ں اور کارکنوں نے کانگریس ہیڈکوارٹر کے باہر مارچ کرنے کی کوشش کی، تاہم انہیں آگے بڑھنے سے روک دیا گیا۔ مظاہرین نے انتخابی فہرستوں کی نظرثانی کے عمل میں مبینہ بے ضابطگیوں پر تشویش کا اظہار کیا۔احتجاج میں انڈیا بلاک کے رہنماو ¿ں اور کارکنوں نے الیکشن کمیشن آف انڈیا سے جوابدہی اور مبینہ طور پر ووٹروں کے نام حذف کیے جانے کی مکمل تحقیقات کا مطالبہ کیا۔ اپوزیشن جماعتوں نے انتخابی فہرستوں کی خصوصی گہری نظرثانی، یعنی ایس آئی آر، پر بھی اعتراضات اٹھائے ہیں۔مظاہرین کا کہنا تھا کہ انتخابی فہرستوں کی نظرثانی کے دوران اگر اہل ووٹروں کے نام بغیر مناسب وجہ کے حذف کیے گئے ہیں تو ان ناموں کو بحال کیا جانا چاہیے۔ اپوزیشن رہنماو ¿ں نے انتخابی فہرستوں کی تیاری اور نظرثانی کے عمل میں مکمل شفافیت پر زور دیتے ہوئے الیکشن حکام سے مبینہ بے ضابطگیوں کی تحقیقات اور ضرورت پڑنے پر اصلاحی اقدامات کرنے کا مطالبہ کیا۔اپوزیشن جماعتوں کا کہنا ہے کہ انتخابی فہرستوں میں مبینہ تبدیلیوں کے معاملے میں الیکشن حکام کی زیادہ جوابدہی اور شفافیت ضروری ہے۔
