کنیکٹیویٹی انفراسٹرکچر کو بہتر بنانے کے لیے ریلوے پروجیکٹس سٹریٹجک لحاظ سے اہم ۔پی ایم مودی
سرینگر//جموں کشمیر ، لداخ ، منی پور ، میگھالیہ ، اروناچل پردیش اور دیگر ریاستوں اور یوٹیز میں کنیکوٹی انفراسٹریکچر پروگرام چلایا جارہا ہے جس پر 6,839کروڑ روپے کی لاگت کا تخمینہ ہے ۔ اس ضمن میں وزیر اعظم نریندر مودی نے سنیچر کو کہا ہے یہ یہ پروجیکٹ سٹریٹجک لحاظ سے کافی اہم ہے اور ان سے ان خطوں میں پائیدار ترقی یقینی بن جائے گی ۔وائس آف انڈیا کے مطابق وزیر اعظم نریندر مودی نے ہفتہ کے روز کہا کہ ان کی حکومت کی طرف سے چار ملٹی ٹریکنگ ریلوے پروجیکٹوں کی منظوری سے کنیکٹیویٹی انفراسٹرکچر میں بہتری آئے گی، سہولت میں اضافہ ہوگا، لاجسٹکس لاگت میں کمی آئے گی اور سپلائی چین مضبوط ہوں گے۔ایک سرکاری پریس نوٹ میں کہا گیا کہ وہ وزارت ریلوے کے چار پروجیکٹوں کے لیے مرکزی کابینہ کی منظوری پر ردعمل ظاہر کر رہے تھے جن کی کل لاگت تقریباً 18,658 کروڑ روپے ہے۔تین ریاستوں مہاراشٹر، اڈیشہ اور چھتیس گڑھ کے 15 اضلاع کا احاطہ کرنے والے چار منصوبے ہندوستانی ریلوے کے موجودہ نیٹ ورک میں تقریباً 1,247 کلومیٹر کا اضافہ کریں گے۔پی ایم مودی نے کہا کہ وائبرنٹ ولیجز پروگرام-II کو کابینہ کی منظوری سرحدی دیہاتوں میں زندگی کے بہتر معیار کو یقینی بنانے کے لیے ایک “غیر معمولی خبر” ہے۔انہوں نے کہا، “اس منظوری کے ساتھ، ہم وائبرنٹ ولیج پروگرام-I کے مقابلے میں شامل دیہاتوں کے دائرہ کار کو بھی بڑھا رہے ہیں۔اس پروگرام کا مقصد خوشحال اور محفوظ سرحدوں کو یقینی بنانے، سرحد پار جرائم پر قابو پانے اور سرحدی آبادی کو قوم کے ساتھ منسلک کرنے اور انہیں ‘سرحد کی حفاظت کرنے والی فورسز کی آنکھ اور کان کے طور پر’، جو کہ داخلی سلامتی کے لیے اہم ہے، کو یقینی بنانے کے لیے بہتر حالات زندگی اور معاش کے مناسب مواقع پیدا کرنا ہے۔6,839 کروڑ روپے کی کل لاگت کے ساتھ، یہ پروگرام اروناچل پردیش، آسام، بہار، گجرات، جموں و کشمیر، لداخ، منی پور، میگھالیہ، میزورم، ناگالینڈ، پنجاب، راجستھان، سکم، تریپورہ، اتراکھنڈ، اتر پردیش اور مغربی بنگال کے منتخب اسٹریٹجک گاؤں میں نافذ کیا جائے گا۔
