ہردیش کمار نے ڈوڈہ میں سی ایس ایس کے نفاذ کی صورتحال کا جائیزہ لیا

ڈوڈہ//چیف ایلکٹورل آفیسر جموں و کشمیر اور کمشنر سیکرٹری ٹرانسپورٹ ہردیش کمار جو ڈوڈہ کے انچارج ایڈمنسٹریٹو سیکرٹری بھی ہیں ، نے کل شام آن لائن موڈ میں منعقدہ میٹنگ میں ضلع میں مرکزی اسپانسر شدہ اسکیموں کے نفاذ اور پیش رفت کا جائیزہ لیا ۔ میٹنگ میں ضلع ترقیاتی کمشنر ڈوڈہ ، ایس ایس پی ڈوڈہ ، اے ڈی ڈی سی ڈوڈہ ، جی ایم ڈی آئی سی ڈوڈہ ، سی ای او بی ڈی اے ، ایس ای پی ڈبلیو ڈی ، ایس ای جے پی ڈی سی ایل ، ایس ای ہائیڈرولکس ، اے سی ڈی ڈوڈہ ، اے سی پی ڈوڈہ ، ڈپٹی ڈائریکٹر ایمپلایمنٹ ڈوڈہ ، ڈی ایف او بھدرواہ اور دیگر متعلقہ افسران نے وی سی روم ڈی سی آفس کمپلیکس ڈوڈہ میں موجود تھے ۔ اس موقع پر بتایا گیا کہ جل جیون مشن کے تحت 35143 گھرانوں کو 185 منظور شدہ اسکیموں کے ذریعے نلکے کے پانی کے کنکشن فراہم کرنے کا ہدف ہے اور تمام اسکیموں کیلئے ٹینڈر کیا جا چکا ہے ۔ ضلع میں امرت سرووروں کا درجہ دیتے ہوئے اے سی ڈی ڈوڈہ نے بتایا کہ 15 اگست تک کم از کم 25 امرت سروور منریگا کے تحت زمینی کام کی حد تک مکمل کر لئے جائیں گے ۔ ڈسٹرکٹ کیپیکس بجٹ کے بارے میں بتایا گیا کہ منظور شدہ مختص 1424.5 کروڑ روپے میں سے 93 کروڑ روپے وصول کئے گئے ہیں اور اس سال جولائی کے آخر تک وصول شدہ فنڈز میں 52.54 فیصد اضافہ کیا گیا ہے ۔ انتظامی سیکرٹری نے مشن موڈ پر جے جے ایم کو نافذ کرنے اور تمام منظور شدہ اسکیموں کو مقررہ ٹائم لائن کے تحت مکمل کرنے پر زور دیا ۔ انہوں نے یہ بھی کہا کہ آزادی کا امرت مہواتسو کے تحت ہر ضلع میں 75 امرت سرووروں کا قیام آبی وسائل کے تحفظ کیلئے ایک عمدہ اقدام ہے ۔ ہردیش کمار نے اس بات کا اعادہ کیا کہ تمام مرکزی انفرادی اور سماجی بہبود کی اسکیمیں ضلع میں سماجی و اقتصادی ترقی اسی وقت لا سکتی ہیں جب اسے حکمت اور جوش کے ساتھ نافذ کیا جائے ۔ انہوں نے حکام پر زور دیا کہ وہ موجودہ کام کے سیزن کے دوران مختلف اسکیموں کے تحت منظور شدہ تمام کاموں کی بروقت تکمیل پر توجہ دیں ۔