کھلی بحث ہونی چاہئے، ہم بیٹھ کر رائے قائم کریں گے اور ممبر ان پارلیمنٹ کو ووٹ دینے کا طریقہ بتائیں گے/ عمر عبد اللہ
سرینگر // ’’ ون نیشن ون الیکشن ‘‘ پر تبصرہ کرتے ہوئے وزیر اعلیٰ عمر عبد اللہ نے کہا کہ ایسا نہیں ہونا چاہیے جیسا کہ دفعہ 370 کے ساتھ ہوا ہے۔سی این آئی کے مطابق قومی خبر رساں ایجنسی کے ساتھ بات کرتے ہوئے وزیراعلیٰ عمر عبد اللہ نے کہا کہ ’’ ون نیشن ون الیکشن ‘‘ اس طرح نہیں ہونا چاہئے جیسا کہ سال 2019میں جموں کشمیر میں دفعہ 370کے ساتھ ہوا ۔ عمرعبد اللہ نے کہا کہ یہ ابھی تک پارلیمنٹ کے سامنے نہیں آیا ہے۔ ایوان میں اس پر بحث ہوگی۔ بحث کھلی ہونی چاہیے۔ یہ سال 2019 میں دفعہ370 کے ساتھ جو کچھ ہوا اس سے مماثل نہیں ہونا چاہئے۔ اس پر کھل کر بحث ہونی چاہئے۔ جہاں تک نیشنل کانفرنس کا تعلق ہے، ہم بیٹھ کر اس پر رائے قائم کریں گے اور اپنے ممبر ان پارلیمنٹ کو ووٹ دینے کا طریقہ بتائیں گے۔دریں اثنا، جھارکھنڈ مکتی مورچہ کے رکن اسمبلی مہوا ماجی نے کہا کہ بی جے پی صرف ’ون نیشن، ون الیکشن‘ کو نافذ کرنا چاہتی ہے کیونکہ ان کی انتخابی مہم میں مذہب اور ذات پات کے سوا کچھ نہیں تھا۔بی جے پی ون نیشن ون الیکشن کو نافذ کرنا چاہے گی کیونکہ ان کی انتخابی مہم میں مذہب اور ذات پات کے سوا کچھ نہیں ہے۔دہلی کے سابق لیفٹنٹ گورنر نجیب جنگ نے کہا کہ یہ فیصلہ ناقابل عمل ہے کیونکہ ریاستی مقننہ کی شرائط وقت سے پہلے گر سکتی ہیں۔ادھر ذرائع نے اے این آئی کو بتایا کہ مرکزی کابینہ نے جمعرات کو پارلیمنٹ میں ’ایک قوم، ایک انتخاب‘بل کو منظوری دے دی، جو انتخابی عمل کی طرف ایک اہم قدم ہے۔
