’’ جنجاتیہ گرودیوس‘‘ تقریب منانے کی تیاریوںپر زور
سری نگر//وزیر برائے قبائلی امور جاوید احمد رانا نے آج محکمہ قبائلی امور کی تعارفی میٹنگ منعقد کی جس میں اُنہوں نے جموںوکشمیر میں قبائلی آبادی کی بہتری کے لئے محکمہ کی کارکردگی کا مجموعی جائزہ لیا۔میٹنگ میں سیکرٹری قبائلی امور کے علاوہ سیکرٹری محکمہ قبائلی امور ،ڈائریکٹر قبائلی امور ، سیکرٹری جی اینڈ بی بورڈ اور محکمہ کے دیگر متعلقہ افسران نے شرکت کی۔اِس موقعہ پر جاویداحمدرانا جو جنگلات و ماحولیات اور جل شکتی محکموں کے وزیر بھی ہیں، نے محکمہ کو بجٹ کی پیشگی تیاریوں او رپروجیکٹ فارمولیشن تیار کرنے کے لئے کہا تاکہ مالی برس کے دورا ن ان کے مؤثر استعمال کے لئے بروقت اِجرا ٔ کی جاسکے ۔اُنہوں نے کہا کہ محکمہ کا کام عوام کی خدمت سے متعلق ہے جو ہر لحاظ سے اہم ہے۔اُنہوں نے افسران پر زور دیا کہ وہ قبائلی منصوبوں اور سکیموں پر تیزی سے عمل درآمد کے لئے مربوط کوششیں کریں تاکہ معاشرے کے نچلے طبقے کے لوگوں کو فائدہ پہنچے۔وزیر موصوف نے افسران کو ایسے منصوبوں کا مسودہ تیار کرنے کی ہدایت دی جو ذاتی مفادات کی کسی بھی درخواست کی توثیق کئے بغیر بڑے پیمانے پر کمیونٹی کے لئے فائدہ مند ہوں۔اُنہوں نے کہا کہ عوام کے اعتماد پر سمجھوتہ نہیں کیا جانا چاہئے اور عوامی مقاصد کے لئے مختص فنڈز کو برقرار رکھتے ہوئے اور ان کے مفادات کو مقدم رکھتے ہوئے خرچ کئے جائیں۔وزیرجاوید احمد رانا نے زراعت، باغبانی، ڈائری اور بھیڑوں کی ترقی کے شعبوں سے متعلق مزید سکیموں کی نشاندہی پر بھی زور دیا جس سے قبائلی نوجوانوں کے لئے روزگار کے مواقع پیدا کرنے کے دائرے کو وسیع کیا جاسکتا ہے۔مزید برآں، اُنہوں نے قبائلی علاقوں میں سیاحت کو فروغ دینے کے لئے ہوم سٹے اور وہاں منسلک بنیادی ڈھانچے کو بڑھانے پر زور دیا۔وزیر موصوف نے ایکلاویہ ماڈل ریذیڈنشیل سکول (ای ایم آر ایس) کے قیام میں پیش رفت کا بھی جائزہ لیا۔ اُنہوں نے اس آبادی کی مجموعی ترقی کے لئے ان تعلیمی اِداروں کو قائم کرنے کے لئے دیگر علاقوں کی نشاندہی کرنے پر زور دیا ۔اُنہوں نے اس آبادی کی فلاح و بہبود کے لئے یو ٹی یا ڈِسٹرکٹ کیپیکس کے تحت عملانے والے فنڈز اور سکیموں کا ایک حصہ یہاں ان کے تناسب کے مطابق رکھنے پر زور دیا۔وزیر جاویداحمد رانا نے اس طبقے سے تعلق رکھنے والے لوگوں کو صنعتوں اور تجارت جیسے شعبوں میں مددکرنے پر زور دیا ۔اِس کے علاوہ اُنہوں نے قبائلی کنبوں کے لئے ہاؤسنگ کالونیاں اور فلیٹس بنانے کو ترجیح دی۔اُنہوں نے کہا کہ آبادی کے اس حصے کی سماجی حیثیت کو اُجاگر کرنے کے لئے سماجی اور اِقتصادی اشارے کے ہر شعبے میں ان کی شمولیت کو ترجیح دی جانی چاہیے۔اِس موقعہ پروزیر موصوف نے محکمہ کو ہدایت دی کہ وہ آنے والے ہفتوں میں ’’جنجاتیہ گرو دیوس‘‘ منانے کے لئے مربوط کوششیں کرے۔اُنہوں نے کہا کہ اس دن کو ایک مناسب انداز میں منایا جانا چاہئے جس میں قبائلی آبادی کی اکثریت کی شرکت ان کی ثقافت ، روایات ، آرٹ ، ادب اور منفرد فن تعمیر کو مقبول منایا جائے۔اِس موقعہ پرسیکرٹری محکمہ قبائلی امور پرسنا راما سوامی جی نے میٹنگ کو محکمہ کی پیش رفت اور درپیش مسائل سے آگاہ کیا۔اُنہوں نے قبائلی ہوسٹل اور ضلعی سطح پر دفاتر کو آسانی سے چلانے کے لئے انسانی وسائل کی ضرورت پر روشنی ڈالی۔ اُنہوں نے محکمہ کی طرف سے اس آبادی اور پائپ لائن میں موجود افراد کی فلاح و بہبود کے لئے کئے گئے اقدامات کا ذِکر کیا ۔اُنہوں نے ایس ٹی ہوسٹل کی تعمیر، سمارٹ کلاسز، آمدنی پیدا کرنے والے یونٹوں کے قیام اور قبائلی علاقوں میں دیگر عوامی اثاثوں کو بڑھانے جیسی متعدد جاری سکیموں اور پروجیکٹوں کے علاوہ قبائلی طلباء کو دی جانے والی سکالرشپ کی رقم اور محکمہ کے ذریعے شروع کئے گئے کلسٹر ماڈل وِلیج کی ترقی کے بارے میں تفصیل سے بتایا۔
