وزیراعلیٰ عمر عبداللہ کا جے کے اے ایس آفیسر رومن احمد کے اِنتقال پر اِظہار ِتعزیت

سری نگر//وزیراعلیٰ عمر عبداللہ نے جے کے اے ایس آفیسر رومن جو جوائنٹ ڈائریکٹر ہینڈلوم کشمیر کے عہدے پر خدمات اَنجام دے رہے تھے، کے اِنتقال پر گہرے دُکھ کا اِظہار کیا ہے۔اُنہوں نے اَپنے تعزیتی پیغام میں آفیسر کے اِنتقال کو اِنتظامیہ کے لئے ایک بڑا نقصان قرار دیا۔وزیر اعلیٰ نے دُکھ کی اِس گھڑی میں سوگوار کنبے، دوستوں اور ساتھی ملازمین کے ساتھ دلی ہمدردی اور تعزیت کا اظہار کیا۔ اُنہوں نے مرحوم کی روح کے ابدی سکون اور لواحقین کے لئے اس ناقابلِ تلافی نقصان کو برداشت کرنے کی ہمت اور صبر کے لئے دُعا کی۔