نائب وزیر اعلیٰ نے گگن گیر گاندربل میںملی ٹنٹ حملے کی مذمت کی

سری نگر//نائب وزیر اعلیٰ سریندرکمار چودھری نے ضلع گاندربل کے گگن گیر میں اتوار کی شام ہوئے ملی ٹنٹ حملے کی شدید مذمت کی ہے۔اُنہوں نے اِس واقعہ کو بُزدلانہ اور گھناؤنی کارروائی قرار دیتے ہوئے متاثرین کے غمزدہ کنبوں کے تئیں اَپنی گہری دِلی تعزیت کا اظہار کیا اور دُکھ کی اس گھڑی میں امن اور ہمت کے لئے دعا کی۔سریندرکمار چودھری نے حملے میں زخمی ہوئے اَفراد کی جلد صحتیابی اور شفایابی کے لئے دُعا کی ۔ اُنہوں نے کہا کہ دہشت گردی کی اِس طرح کی کارروائیاں امن اور اتحاد کے لئے ہمارے عزم کو کم نہیں کریں گی ۔ہماری دُعائیں متاثرین اور اُن کے اہل خانہ کے ساتھ ہیں۔نائب وزیر اعلیٰ نے حکومت کے اس عزم کا اعادہ کیا کہ مستقبل میں ایسے واقعات کو روکنے کے لئے قصورواروں کو کیفر کردار تک پہنچایا جائے گا۔