بلاک میڈیکل آفیسر سلر منسلک ، ڈاکٹر ظہور کو عہدے کا اضافی چارج سونپ دیا گیا
سرینگر // ملازمین کی شکایات کے بعد محکمہ صحت و طبی تعلیم نے بلاک میڈیکل آفیسر سلر اننت ناگ کو منسلک کرنے کے بعد ڈاکٹر ظہور کو عہدے کا اضافی چارج سونپ دیا ۔ سی این آئی کے مطابق محکمہ صحت اور طبی تعلیمنے ملازمین کی شکایات کے بعد بلاک میڈیکل سلر کو منسلک کرنے کا حکم دیا ہے۔محکمہ صحت اور طبی تعلیم کے جاری کردہ حکم کے مطابق ڈاکٹر ظہور احمد صوفی، میڈیکل آفیسر ایس ڈی ایچ پہلگام کو اپنے فرائض کے علاوہ ان کے علاوہ بی ایم او سلر کا چارج دیا گیا ہے۔ خیال رہے کہ بلاک سلر کے ملازمین ڈاکٹر مشتاق احمد شا ہ کے خلاف شکایت کی بنیاد پر ڈائریکٹر، ہیلتھ سروسز، کشمیر کی طرف سے پیش کی گئی ابتدائی تحقیقاتی رپورٹ کی بنیاد پرانہیں ڈائریکٹوریٹ آف ہیلتھ سروسز، کشمیر کے ساتھ فوری اثر سے منسلک کیا گیا ہے۔جس کے بعد بلاک میڈیکل آفیسر، سلر کے عہدے کا چارج ڈاکٹر ظہور احمد صوفی، میڈیکل آفیسر، ایس ڈی ایچ، پہلگام کو ان کے اپنے فرائض کے علاوہ اگلے احکامات تک سونپا گیا ہیقابل ذکر بات یہ ہے کہ عملے کی شکایت کے بعد سی ایم او اننت ناگ نے انکوائری شروع کی تھی۔انکوائری ٹیم نے گواہوں کے بیانات ریکارڈ کیے اور سی ایم او کو ایک تفصیلی رپورٹ پیش کی، جسے بعد ازاں ڈائریکٹر ہیلتھ سروسز کشمیر کو بھیج دیا گیا۔
