جموں / /لیفٹیننٹ گورنر کے مشیر راجیو رائے بھٹناگر نے کرسمس کے موقعہ پر جموں و کشمیر کے عوام کو مبارک باد دی۔مشیر راجیو رائے بھٹناگر نے اَپنے پیغام میں کہا کہ کرسمس خوشی پھیلانے، خوشیاں بانٹنے اور بھائی چارے کے جذبے کا ایک خاص موقعہ ہے۔اُنہوں نے اتحاد اور خیر سگالی کو فروغ دینے میں کرسمس کی اہمیت کو تسلیم کرتے ہوئے اس موقعہ پر دینے اور ہمدردی کے جذبے کو منانے کے لئے اِکٹھے ہونے کی اہمیت پر زور دیا۔مشیرراجیو رائے بھٹناگر نے کہا، ’’جب ہم اپنے پیاروں کے ساتھ جمع ہوتے ہیں اور گزرے برس پر غور کرتے ہیں، تو آئیے ہم خوشی کے لمحات کی قدر کریں، ان بندھنوں کی تعریف کریں جو ہمیں قریب لاتے ہیں اور ضرورت مندوں کے لئے مدد کا ہاتھ بڑھاتے ہیں۔
