سری نگر//کشمیر یونیورسٹی امسال مختصر مدت کیلئے اورضرورت کے مطابقسرمائی تعطیلات کے لئے بندرہے گی ۔جے کے این ایس کے مطابق کشمیر یونیورسٹی کی وائس چانسلر ڈاکٹر نیلوفر خان نے ہفتہ کو کہا کہ وہ مختصر وقت کیلئے اور ضرورت کے مطابق موسم سرما کی تعطیلات کا اعلان کریں گے۔ایک تقریب کے موقع پربت کرتے ہوئے وائس چانسلر ڈاکٹر نیلوفر خان نے کہا کہ یونیورسٹیوں کے کام کرنے اور کام کرنے کا طریقہ کار سکولوں سے مختلف ہے۔انہوںنے کہاکہ ہم یونیورسٹی کو اسکول کی سطح کے طریقہ کار یا نظام کے برابر نہیں رکھ سکتے۔ وائس چانسلر ڈاکٹر نیلوفر خان کاکہناتھاکہ بنیادی ڈھانچے کی دستیابی کو مدنظر رکھتے ہوئے اور اپنی ضرورت کے مطابق، ہم کشمیر یونیورسٹی میں مختصر مدت کے لئے موسم سرما کی تعطیلات کا اعلان کریں گے۔انہوں نے مزید کہاکہ یونیورسٹی کی طرف سے پہلے سے طے شدہ امتحان وقت پر لیا جائے گا اور جہاں بھی ضرورت ہوگی، تدریسی فیکلٹی بھی تعلیمی سلسلہ جاری رکھے گی۔کشمیر یونیورسٹی کی خاتون وائس چانسلر نے کہاکہ جنسی ہراسانی کے حالیہ واقعات کے حوالے سے یونیورسٹی کے اقدامات کے بارے میں پوچھے جانے پر کہا کہ ہر ادارے میں سپریم کورٹ کا حکم ہے کہ اس کی ایک اندرونی تعمیل کمیٹی ہوگی۔انہوں نے مزید کہاکہ مجھے یقین ہے کہ منتظمین نے اس کا نوٹس لیا ہو گا۔
