ضلع گاندربل اَسمبلی اِنتخابات کے دوحلقوں میں2.08 لاکھ سے زیادہ رائے دہندگان

گاندربل// اسمبلی اِنتخابات۔ 2024 کے اعلان کے ساتھ ہی ضلع گاندربل دوسرے مرحلے کے اِنتخابات کی تیاری کر رہا ہے جہاں 25 ستمبر 2024ء کو 2.08 لاکھ سے زیادہ رائے دہندگان اپنے حق رائے دہی کا اِستعمال کریں گے ۔ ضلع پولنگ کے دِن منصفانہ، شفاف اور مؤثر طریقے سے اِنتخابات کے اِنعقاد کے لئے پوری طرح تیار ہے۔ضلع میں دو اسمبلی حلقے کنگن (ایس ٹی) اور گاندربل شامل ہیں جہاں رجسٹرڈ و رائے دہندگان کی تعداد 2,08,018 ہے جن میں 1,04,162 مرد اور 1,03,856 خواتین ووٹرز شامل ہیں۔الیکشن کمیشن آف اِنڈیا (اِی سی آئی) نے ضلع بھر میں رائے دہندگان کو اَپنی حق دہی کا اِستعمال کرنے کے لئے 267 پولنگ سٹیشنوں کا ایک جامع نیٹ ورک قائم کیا ہے جس میں سڑک کے ذریعے رَسائی اوریقینی کم سے کم سہولیات ( اے ایم ایف) جیسے ریمپ، بجلی، پینے کا صاف پانی اور مردوں اور خواتین کے لئے الگ الگ بیت الخلأ کی دستیابی کو یقینی بنایا گیا ہے۔اسمبلی حلقہ 17۔ کنگن (ایس ٹی) میں 110 پولنگ سٹیشن قائم کئے گئے ہیں جہاں78,904 رائے دہندگان بشمول40,000مرد اور 38,904 خواتین ووٹرز ہیں۔ اِسی طرح اسمبلی حلقہ 18۔گاندربل میں 1,29,114 رائے دہندگان بشمو ل64,162 مرداور 64,952 خواتین رائے دہندگان ہیں اور جہاں157 پولنگ سٹیشن قائم کئے گئے ہیں۔