سپیکر کا پکھر پورہ کے دارالعلوم میں آتشزدگی کے واقعہ پر گہرے دُکھ کا اِظہار

بڈگام//سپیکر جموں و کشمیر قانون ساز اسمبلی عبدالرحیم راتھر نے پکھرپورہ کے دارالعلوم میں پیش آئے آتشزدگی کے واقعہ پر گہرے دُکھ کا اِظہار کیا ہے۔اُنہوں نے اس واقعہ پر اِنتظامیہ کمیٹی کے ساتھ دلی ہمدردی کا اِظہار کرتے ہوئے اللہ تعالیٰ کا شکر اَدا کیا کہ تمام طلبأ محفوظ اور خیریت سے ہیں۔سپیکر موصوف نے ضلعی اِنتظامیہ کو ہدایت دی کہ آگ لگنے سے ہونے والے نقصان کا فوری طور پر تخمینہ لگایا جائے۔اُنہوں نے متعلقہ حکام کو یہ بھی ہدایت دی کہ متاثرہ اَفراد کو فوری اِمداد اور ہر ممکن مدد فراہم کی جائے تاکہ وہ اس واقعے سے پیدا ہونے والی مشکلات پر قابو پا سکیں۔عبدالرحیم راتھر نے سب کی خیریت و سلامتی کے لئے دُعا کی اور اُمیدظاہر کی کہ اِدارے میں جلد حالات معمول پر آ جائیں گے۔