سری نگر//سیکرٹری منصوبہ بندی ، ترقی اور نگرانی ڈاکٹر راگھو لنگر نے آج ضلع ترقیاتی کمشنر بارہمولہ اور بارڈر روڈز آرگنائزیشن کے اَفسران کے ساتھ ضلع بارہمولہ میں سری نگر۔ بارہمولہ۔ اوڑی نیشنل ہائی وے پروجیکٹ کی پیش رفت کے حوالے سے ایک جائزہ میٹنگ منعقد کی۔سیکرٹری منصوبہ بندی ،ترقی اور نگرانی جو ضلع بارہمولہ کے مینٹر سیکرٹری بھی ہیں ، نے کہا کہ فوری پروجیکٹ خاص اہمیت کا حامل ہے اور اُنہوں نے اِس بات پر زور دیا کہ کام کے معیار پر سمجھوتہ کئے بغیر اِس کی بروقت تکمیل کے لئے تمام کوششیں بروئے کار لائی جائیں گی اور اِس کی بروقت تکمیل کے لئے تمام رُکاوٹوں کو دُور کیا جائے گا۔او سی 53 آر سی سی پروجیکٹ بیکن لیفٹیننٹ کرنل جتندر سنگھ نے ایک تفصیلی پاور پوائنٹ پرزنٹیشن دی جس میں اُنہوں نے بتایا کہ سری نگر۔بارہمولہ۔اوڑی (این ایچ۔1) 14.200 کلومیٹر(ناربل) سے 57.800 کلومیٹر تک این ایچ ایف ایل کی تفصیلات اور 57.800 کلومیٹر سے 101.00 کلومیٹر تک این ایچ ڈی ایل تک پختہ سڑک کی بہتری کی خاطر ڈی پی آر کی تیاری کے لئے پہلے ہی موڑ کی طرف سے 04 پیکجوں میں منظوری دی جا چکی ہے۔پروجیکٹ بیکن کے کمانڈر بی آر ٹی ایف نے سیکرٹری موصوف کو جانکاری دی کہ پروجیکٹ ٹریک پر ہے لیکن زمین کے حصول سے متعلقہ کچھ مسائل درپیش ہیں جنہیں حل کرنے کی ضرورت ہے ۔اُنہوں نے کہا کہ کچھ معاملات میں محکمہ باغبانی سے درختوں کے معاوضے کے تخمینے اور محکمہ آر اینڈ بی سے ڈھانچے کی قیمت کے تخمینہ کا اِنتظار ہے۔ اِس کے علاوہ کلکٹر ،سی ااے ایل اے کی طرف سے سنگراما فلائی اوور ، پٹن بائی پاس اور بارہمولہ بائی پاس کے اَطراف میں معاوضے کی تقسیم کو تیز کرنے کی ضرورت ہے۔ضلع ترقیاتی کمشنر بارہمولہ نے یقین دہانی کی کہ محکمہ باغبانی اور آر اینڈ بی کے تخمینے ایک دو دِنوں میں پیش کئے جائیں گے ۔ اِس دوران ضلع ترقیاتی کمشنر نے زور دیا کہ بی آر او کو سڑک کو چوڑا کرنے، برم فلنگ ، مسافر شیڈوں کی تعمیر اور اس کے لئے فوری کارروائی کرنے کی ضرورت ہے ۔ نکاسی آب بارہمولہ ٹائون میں ٹریفک جام کی سب سے بڑی وجہ بن جاتی ہے۔معاوضے کی تقسیم کے لئے ضلع ترقیاتی کمشنر نے آگاہ کیا کہ مقدمات کا ہنگامی بنیادوں پر جائزہ لیا جارہا ہے اور اِس عمل کو جلد اَز جلد مکمل کرنے کی ہرممکن کوشش کی جار ہی ہے تاکہ زمین کا معاوضہ مؤثر طریقے سے اَدا کیا جاسکے۔سیکرٹری موصوف نے اِس بات پر زور دیا کہ اگر پالیسی سے متعلق کوئی مسئلہ ہے جس میں حکومت سطح پر کچھ وضاحت درکار ہے تو اسے ان کے پہلے حل کے کے لئے محکمہ ریونیو کو بھی جا سکتا ہے ۔ مزید تمام زیر اِلتوأ تھری جی ایوارڈز کو 15دِنوں کی مدت کے اَندر مطلع کیا جائے گا۔آخیر میں سیکرٹری موصوف نے تمام متعلقہ اِداروں کو ہم آہنگی سے کام کرنے کی ہدایت دی تاکہ تمام رکاوٹوں کو دورکیا جائے اور منصوبے کو مقررہ مدت میں مکمل کیا جائے تاکہ عوام الناس کو سفر کرنے میں آسانی ہو ۔
