سال رواں میں ماہ جولائی سے شروع ہونی امرناتھ یاترا کے سلسلے میں تیاریاں جاری

سرینگر // سال رواں میں ماہ جولائی سے شروع ہونی امرناتھ یاترا کے سلسلے میں تیاریاں جاری ہے جس دوران ضلع ترقیاتی کمشنر گاندربل نے بالتل بیس کیمپ کا دورہ کیا اور یاترا کی جاری تیاریوں کا خود جائزہ لیا۔ سی این آئی کے مطابق سال رواں میںماہ جولائی سے شروع ہونی والی امرناتھ یاترا کیلئے تیاریاں زوروں پر ہے ۔ امرناتھ شرائن بورڈ اور جموں و کشمیر انتظامیہ نے جولائی کے پہلے ہفتے میں شروع ہونے والی آئندہ سالانہ امرناتھ یاتراکیلئے تیاریاں شروع کر دی ہیں۔ امرناتھ شرائن بورڈ نے پہلے اعلان کیا کہ سالانہ یاترا 3 جولائی سے شروع ہوگی اور 9 اگست کو اختتام پذیر ہوگی۔عہدیداروں نے کہا کہ اس سال یاترا 2024 سے بہترین طریقوں کی تقلید کی جائے گی۔ 3 جولائی کو شروع ہونے والی یاترا کے ساتھ، سیکورٹی، لاجسٹک سپورٹ، اور یاتریوں کیلئے سہولیات سمیت تمام پہلوؤں کو احتیاط سے ترتیب دیا جا رہا ہے۔ عہدیداروں نے بتایا کہ محکمہ محنت نے مقامی کارکنوں کی رجسٹریشن بھی شروع کردی ہے، جو اس سال کی سالانہ امرناتھ یاترا کے لیے ضروری خدمات فراہم کریں گے جبکہ بی آر او نے بال تل ڈومیل ٹریک پر برف صاف کرنے کا کام شروع کر دیا ہے اور ٹریک کی مزید ترقی جاری ہے۔ حکام نے کہا کہ پرامن یاترا کو یقینی بنانے کے لیے تمام حفاظتی اقدامات پر عمل درآمد کیا جا رہا ہے۔دریں اثنا، ڈپٹی کمشنر گاندربل، جتن کشور نے بالتل بیس کیمپ کا دورہ کیا اور یاترا کی جاری تیاریوں کا خود جائزہ لیا۔ دورے کے دوران، ڈی سی نے یاتری نواس بالتل سمیت اہم بنیادی ڈھانچے کے منصوبوں کا معائنہ کیا۔ دورے کے دوران ڈی سی کے ساتھ ایڈیشنل سی ای او ایس اے ایس بی، ڈائریکٹر انفارمیشن، ایس ایس پی گاندربل، اے ڈی سی گاندربل اور دیگر افسران بھی تھے۔