راشٹریہ ایکتا دیوس کے موقعہ پر لیفٹیننٹ گورنر کا پیغام

سری نگر// لیفٹیننٹ گورنر منوج سِنہانے ہندوستان کے مردِ آہن سردار ولبھ بھائی پٹیل کو ان کی 150 ویں یومِ ولادت کے موقعہ پر خراجِ عقیدت پیش کیا۔لیفٹیننٹ گورنر نے اَپنے ایک پیغام میں کہا ،’’ راشٹریہ ایکتا دیوس کے موقعہ پر جو سردار ولبھ بھائی پٹیل کی یوم ولادت کی یاد میں منایا جاتا ہے ، میں لوگوں کو دِلی مُبارک باد پیش کرتا ہوں اور اُمید کرتا ہوں کہ یہ راشٹریہ ایکتا دیوس اتحاد اور امن کے جذبے کو مزید تقویت بخشے گا۔‘‘سردار ولبھ بھائی پٹیل ’قومی اتحاد کے معمار‘ اور حب الوطنی اور سا لمیت کا مظہر تھے۔ ان کے عزم نے جدید ہندوستان کی بنیاد رکھی۔ آئیں ہم اُن کے نظریات پر عمل کرنے اور سردار پٹیل کی یاد میں اتحاد، مشترکہ قومی شناخت اور بھائی چارے کے جذبے کو برقرار رکھنے کا عہد کریں۔‘‘