دنیا ایک دوسرے سے منسلک ہونے کے ساتھ ساتھ ایک دوسرے پر منحصر

دنیا کو دکھانا ہے کہ سال 2047تک ہندوستان ترقی یافتہ ممالک میں شامل ہوگا ، ہماری معیشت مزید جامع ہوگی/ وزیر اعظم مودی

سرینگر // دنیا ایک دوسرے سے منسلک ہونے کے ساتھ ساتھ ایک دوسرے پر منحصر ہے کی بات کرتے ہوئے وزیر اعظم نریندر مودی نے کہا کہ خارجہ امور میں ہمارا اولین رہنما اصول ہمارا قومی مفاد ہے۔ انہوں نے مزید کہا کہ آج ہندوستان کے لوگ 10 سال پہلے کی خواہشات سے بہت مختلف ہیں اور ہم نے دنیا کو دکھانا ہے کہ سال 2047تک ہندوستان ترقی یافتہ ممالک میں شامل ہو جائے گا۔ ہماری معیشت مزید جامع ہوگی۔ سٹار نیوز نیٹ ورک مانیٹرنگ ڈیسک کے مطابق برطانیہ میں مقیم ’’فنانشل ٹائمز ‘‘کے ساتھ ایک واضح انٹرویو میں وزیر اعظم نریندر مودی نے ہندوستان کی خارجہ پالیسی کے نقطہ نظر کو تفصیل سے بیان کیا ہے اور اسے ’’مکس اینڈ میچ ڈپلومیسی‘‘کے طور پر بیان کیا جو قومی مفادات کے ساتھ منسلک عملی مصروفیت پر مرکوز ہے۔ اس موقعہ پر وزیر اعظم مودی نے کہا دنیا ایک دوسرے سے منسلک ہونے کے ساتھ ساتھ ایک دوسرے پر منحصر ہے۔انہوں نے عالمی حرکیات کی پیچیدگی کو بھی اجاگر کیا اور اس بات پر زور دیا کہ خارجہ امور میں ہندوستان کا سب سے اہم رہنما اصول اس کا قومی مفاد ہے۔ خارجہ امور میں ہمارا اولین رہنما اصول ہمارا قومی مفاد ہے۔وزیر اعظم مودی نے کہا’’یہ موقف ہمیں مختلف اقوام کے ساتھ اس انداز میں مشغول ہونے کی اجازت دیتا ہے جو باہمی مفادات کا احترام کرے اور عصری جغرافیائی سیاست کی پیچیدگیوں کو تسلیم کرے۔ جب ان سے امریکہ کے ساتھ ہندوستان کے تعلقات کے بارے میں سوال کیا گیا اور کیا اسے ایک اتحاد کے طور پر پیش کیا جا سکتا ہے‘‘۔ امریکی سرزمین پر ایک سازش میں ہندوستانی حکومت کے عہدیدار کے ملوث ہونے کے حالیہ الزامات کے باوجود، وزیر اعظم نے زور دے کر کہا کہ ہندوستان اور امریکہ کے تعلقات اب پہلے سے کہیں زیادہ وسیع تر، افہام و تفہیم میں گہرے اور مضبوط ہیں۔ انہوں نے کہا’’اس رشتے کو بیان کرنے کیلئے بہترین الفاظ کے بارے میں، میں اسے آپ پر چھوڑتا ہوں‘‘۔انہوں نے کہا’’ آج، ہندوستان اور امریکہ کے تعلقات پہلے سے کہیں زیادہ وسیع، افہام و تفہیم میں گہرے اور دوستی میں گرم ہیں۔ اہم بات یہ ہے کہ امریکی محکمہ انصاف نے دعویٰ کیا تھا کہ ایک ہندوستانی سرکاری ملازم، جس کی شناخت مین ہٹن کی ایک وفاقی عدالت میں دائر فرد جرم میں نہیں کی گئی تھی، نے ہندوستانی نامزد دہشت گرد گروپتونت سنگھ پنون کو مبینہ طور پر قتل کرنے کیلئے ایک ہٹ مین کی خدمات حاصل کرنے کیلئے ایک ساتھی ہندوستانی نکھل گپتا کو بھرتی کیا۔ فنانشل ٹائمز کے ساتھ انٹرویو میںوزیر اعظم مودی نے ان دعووں کا جواب دیتے ہوئے کہا کہ وہ کسی بھی ثبوت کو ’’دیکھیں گے‘‘اور انہوں نے مزید کہا کہ کچھ واقعات سے امریکہ کے ہندوستان تعلقات پر کوئی اثر نہیں پڑے گا۔ وزیر اعظم نے کہا کہ اگر ہمارے کسی شہری نے کچھ اچھا یا برا کیا ہے تو ہم اسے دیکھنے کیلئے تیار ہیں۔ ہماری وابستگی قانون کی حکمرانی کیلئے ہے۔