حکومت نے سرکاری ہسپتالوں میں پی اِی ٹی سکین کے نرخوں کا نوٹیفکیشن جاری کی

سری نگر//حکومت نے جموں و کشمیر میں جدید طبی نگہداشت کی خدمات تک رسائی کو بہتر بنانے کی سمت میں ایک اہم قدم اٹھاتے ہوئے آج سکمز( ایس کے آئی ایم ایس ) کے علاوہ محکمہ صحت و طبی تعلیم کے تمام سرکاری ہسپتالوں اور صحت اِداروں کے لئے پی ای ٹی سکین اور سی بی سی ٹی مشین چارجز کی سرکاری شرحوں کا اعلان کیا۔محکمہ صحت و طبی تعلیم کی طرف سے جاری کردہ سرکاری حکمنامے کے مطابق پی ای ٹی سکین پورے جسم کے لئے فی سکین وٹیسٹ کی قیمت 10,000روپے، پی اِی ٹی سکین کارڈیک میٹابولزم کے لئے 4,000 ، پی اِی ٹی گائیڈڈ بائیوپسی کے لئے 1200 روپے، باہر سے پی اِی ٹی سکین ریویو کے لیے 600 روپے اور سی بی سی ٹی مشین کے لئے 1200 روپے فی ٹیسٹ فیس ہے۔حکومت کی جانب سے یہ اہم قدم مریضوںبالخصوص معاشی طور پر پسماندہ پس منظر سے تعلق رکھنے والے اَفراد کو زیادہ سستی تشخیصی خدمات فراہم کرنے کے مقصد سے اُٹھایا گیا ہے۔