جموں کشمیر میں نئی کابینہ کی تشکیل سے قبل

حکومت نے کچھ اعلیٰ عہدیداروں کو وزارتی بنگلے خالی کرنے کا حکم دیا

سرینگر // جموں کشمیر میں نئی کابینہ کی تشکیل سے قبل حکومت نے کچھ اعلیٰ عہدیداروں کو وزارتی بنگلے خالی کرنے کا حکم دیاہے ۔ سی این آئی کے مطابق جموں و کشمیر اسٹیٹ محکمہ نے سرینگر میں کئی سرکاری بنگلے وزراء کی کونسل کیلئے مختص کیے ہیں جو اگلے مہینے میں ہونے والی حکومت کی تشکیل کی توقع رکھتے ہیں۔اس سلسلے میں جاری ایک حکمنامہ زیر نمبر 222 EST کشمیر 2024کے مطابق، نو افسران، جو اس وقت وزارتی بنگلوں میں ہے کو ہدایت کی گئی ہے کہ وہ نئے وزراء کی رہائش کیلئے انہیں خالی کر دیں۔جن 9 افسروں کو وزارتی بنگلے خالی کرنے کی اطلاع دی گئی ہے، ان کی شناخت دھیرج گپتا( فائنانشل کمشنر محکمہ جنگلات، ماحولیات اور ماحولیات)، آلوک کمار(پرنسپل سیکرٹری ، ہائر ایجوکیشن واسکول ایجوکیشن ، چندراکر بھارتی(پرنسپل سیکرٹری ،محکمہ داخلہ) ایس ایس سنگھ جموال (اے ڈی جی پی، یو ٹی آف لداخ، )سوربھ بھگت (کمشنر/ سکریٹری برائے حکومت، سائنس اور ٹیکنالوجی ڈیپارٹمنٹ)، شیتل نند(کمشنر/ سکریٹری برائے حکومت، محکمہ سماجی بہبود)، مندیپ کور(کمشنر/ سکریٹری برائے حکومت، ہاؤسنگ اور شہری ترقی محکمہ)، وی کے بردی (انسپکٹر جنرل آف پولیس، کشمیر) اجے کمار یادو،(آئی جی، سرینگر سیکٹر سی آر پی ایف) شامل ہے ۔ حکمنامہ میں لکھا گیا ’’ ان افسران کو ان کوارٹرس کو جلد از جلد خالی کرنے کی ہدایت کی جاتی ہے، جبکہ انہیں ان کی سنیارٹی اور رینک کے مطابق متبادل رہائش کی یقین دہانی کرائی جاتی ہے‘‘۔حکومت کے پرنسپل سیکرٹری آلوک کما رکی طرف سے جاری کردہ حکم، اگلے ماہ عہدہ سنبھالنے والے نئے وزارء کوارٹرس مختص کرنے کا مرحلہ طے کرتا ہے۔