بھوپندر کمار نے جموں وکشمیر یوٹی میں ٹیلی ریڈیو لوجی خدمات کا جائزہ لیا

جموں//سیکرٹری صحت و طبی تعلیم بھوپندر کمار نے سول سیکرٹریٹ میں ٹیلی ریڈیولوجی خدمات کے سلسلے میں ایک جائزہ میٹنگ منعقد کی۔شروع میں ٹیلی ریڈیولوجی پروگرام کی اہمیت کواُجاگر کیا گیا کیوں کہ یہ مرکزی حکومت کے مفت تشخیصی پروگرام کے تحت مریض کے قریب صحت سہولیت پر قابل رَسائی او رسستی ریڈیو لوجیکل تشخیصی خدمات فراہم کرنے میں مدد کرتا ہے ۔ اِس اَقدام سے اَخراجات کو کم کرنے ، اعلیٰ صحت اِداروں کو مریضوں کے غیر ضروری ریفرل کرنے ، ضلعی اور ذیلی ضلعی سطح کے ہسپتالوں کے ریڈیو لوجسٹوں کو ایکسرے اور سی ٹی سکین رِپورٹوں کی تشخیص کرنے میں مدد ملتی ہے جس سے دُور دراز کے ہسپتالوں میں کام کرنے والے ڈاکٹروں کو درست تشخیص تک پہنچنے اور اِس طرح بیمار کے اِنتظام کو بہتر بنانے میں مدد ملتی ہے ۔جموںوکشمیر یوٹی میں ٹیلی ریڈیو لوجی کے تحت فراہم کی جانے والی خدمات کو اُجاگر کرنے کے لئے ایک مختصر پاور پوائنٹ پرزنٹیشن پیش کی گئی ۔ ٹیلی ریڈیو لوجی خدمات 24؍ جون 2020 ء کو پبلک پرائیویٹ پارٹنر شپ ( پی پی پی )موڈ اور کرشناڈائیگنو سٹک ایک نجی آرگنائزیشن کے تحت شروع کی گئی تھیں جو تمام تکنیکی مدد فراہم کررہی ہے۔سیکرٹری صحت و طبی تعلیم نے مزید بتایا کہ اِس وقت 61ہسپتالوں میں ایکسرے اور 10ہسپتالوں میں سی ٹی سکین کے لئے ٹیلی ریڈیو لوجی خدمات دستیاب ہیں۔ اِس کے آغاز سے لے کر اَب تک تقریباً 8 لاکھ ایکسرے امیجز اور 30 ہزار سی ٹی سکین امیجز کی اطلاع دی گئی ہے جس نے مریضوں کی بہتر دیکھ ریکھ کو ثابت کرنے میں زبردست مدد کی ہے۔اُنہوں نے ٹیلی ریڈیو لوجی کے تحت فراہم کی جانے والی خدمات کو سراہا او ردُور دراز علاقوں کے مریضوں کی سہولیت کے لئے ٹیلی ریڈیو لوجی کے تحت مزید صحت سہولیت کو شامل کرنے کی ہدایات جاری کیں۔ اُنہوں نے چیف میڈیکل افسران کو بھی ہدایت دی کہ وہ صحت سہولیات کی فہرست این ایچ ایم جے اینڈ کے کو پیش کریں جہاں ٹیلی ریڈیو لوجی خدمات جلد از جلد شروع کی جاسکتی ہیں۔میٹنگ میں ڈائریکٹر ہیلتھ سروسز جموں / کشمیر ، تمام اَضلاع کے چیف میڈیکل اَفسران ، نئے جی ایم سی اور ڈسٹرکٹ ہسپتالوں کے ایسو سی ایٹیڈ ہسپتالوں کے میڈیکل سپر اِنٹنڈنٹ ، بلاک میڈیکل اَفسران اور این ایچ ایم کے پروگرام منیجروں نے شرکت کی۔