فوجی افسروں وجوانوں کی سراہنا،فوجی کمانڈروں نے دی موجودہ سیکورٹی صورتحال کی جانکاری
سری نگر// آرمی چیف جنرل منوج پانڈے نے ہفتہ کے روز جموں و کشمیر کے پونچھ اور راجوری اضلاع میں لائن آف کنٹرول کیساتھ آگے کے علاقوں کا دورہ کیا اور آپریشنل تیاریوں کا جائزہ لیا۔جے کے این ایس کے مطابق ہندوستانی فوج کے ایڈیشنل ڈائریکٹوریٹ جنرل آف پبلک انفارمیشن نے ایک ٹویٹ میں یہ جانکاری دی کہ چیف آف آرمی اسٹاف جنرل منوج پانڈے 5اگست بروزجمعہ کوجموں وکشمیر کے 2 روزہ دورے پر جموں پہنچے۔انہوںنے کہاکہ فوجی حکام نے آرمی چیف کویہاں ایک میٹنگ میں جموں وکشمیر کی موجودہ اندرونی سیکورٹی صورتحال کیساتھ ساتھ سرحدی صورتحال کے بارے میں بریفنگ دی ۔ ایڈیشنل ڈائریکٹوریٹ جنرل آف پبلک انفارمیشن نے ٹویٹ میں آگے بتایاکہ آرمی چیف جنرل منوج پانڈے نے پونچھ اور راجوری سیکٹروں میں لائن آف کنٹرول کے آگے والے علاقوں کا دورہ کیا اور حدمتارکہ کے ساتھ آپریشنل تیاریوں کا جائزہ لیا۔ چیف آف آرمی اسٹاف نے تمام رینک کے فوجی افسران کیساتھ بھی بات چیت کی اور انہیں اسی جوش اور جوش کے ساتھ کام کرتے رہنے کی تلقین کی۔ADGPI نے ٹویٹ میں مزید بتایاکہ جنرل پانڈے نے جمعہ کو یہاں نگروٹہ میں وائٹ نائٹ کور کے ہیڈکوارٹر کا دورہ کیا اور جموں کے مضافات میں اکھنور سیکٹر کا بھی دورہ کیا۔ چیف آف آرمی اسٹاف جنرل منوج پانڈے نے فوج کے اہم مرکزWhiteknight کا دورہ کیا اور یہاں انہیں موجودہ سیکورٹی صورتحال کے بارے میں تفصیلی بریفنگ دی گئی۔ آرمی چیف جنرل منوج پانڈے نے ایل ائوسی کے آگے کے علاقوں کا دورہ کرنے کے دوران فوجی کمانڈروں اور فوجیوں کو ان کے پیشہ ورانہ معیار، آپریشنل تیاریوں اور کسی بھی خطرے کو ناکام بنانے کی صلاحیت کی تعریف کی۔
